San Lucas 16:17 - Dibshon Mengi-kan Ni Pansigshan

¹⁷ Nem enshiy mepokaw wa bilin nen Moises. No ẃara pay laeng iya dangit tan dobong, eg mepokaw i angken sakey ya naysolat ta bilin nonta bayag da.

San Lucas 16:17 Iomraidhean Croise

San Mateo 5:18

Ikowan ko et i podno son si‐kayo. No ẃara pay laeng iya dangit tan dobong, eg mepokaw i angken sakey ya ko‐nit shima dinteg ja in‐awat nen Moises ingkatod metongpal la emin.

San Lucas 21:33

Sama naykayang tan saja dobong, mebedin na ma‐enshi, nem saja esel la inkowan ko, kenshat ta metongpal, ja eg ma‐enshi.”

I-Roma 3:31

Sajay ya inkowan ko la, aliẃen kowan ko ey ibiyang tayo sota bilin nen Apo Shiyos nonta bayag da, ja naysolat; ekak ikowan ey sina‐datan niya pamati son Cristo. Enshi, araẃi itan. Say agpayso, si‐kamiy emengitosho ni koston olog nontan na bilin.

1 San Pedro 1:25

Nem sota esel nen Apo Shiyos ja inkowan to, eg mebediwan; si‐kato ni olay ingkatod ingka.” Sajay i kowan nonta esel nen Apo Shiyos nonta bayag da. Jet sajay ya esel nen Apo Shiyos ja inkowan to, si‐kato sota mapteng nga shamag maypangkep so nen Cristo ja naytoro da son si‐kayo.

2 San Pedro 3:10

Nem si Apo Jesus, sigoradon tongpalen to ali sotan na inkari to, jet palibdibag aliy idaw to ja inges toy emengibot. Jet sama ẃared ma naykayang, ma‐omas ma ira ja may‐inshas nodta makedsang nga bongog. Angken saja dobong, tan saja emin na ẃared jay, mepoolan, jet eg mala metongolan ey istay si‐kato iya sigod ja dobong.

Inpa-Amta Nen Jesucristo 20:11

Jet ẃaray inon‐an kon ebadeg ga empotin tongawan et ẃaray timongaw nodtan. Jet say dobong, tan sama ẃared naykayang, na‐omas ira tep singa eg sha itoled i kawasha nonta timongaw nodta empotin tongawan. Sota dobong, tan sama naykayang, kolpin na‐enshi mala.

Inpa-Amta Nen Jesucristo 21:1

Idi naksheng ma iyay, ẃaray inon‐an kon badon dangit tan badon dobong, ta sota pilmiro den dangit tan pilmiro den dobong, enshi mala ira, pati sota shanom shi baybay.

Inpa-Amta Nen Jesucristo 21:4

Po‐naren toy sayesha et enshi mala i metey; enshi pay i mandeshingit ono onnangis, tan enshi pay mala i ensakit. Ta sota sigod ja emengi‐kan ni digat, enshi mala.”