San Lucas 15:5 - Dibshon Mengi-kan Ni Pansigshan

⁵ Jet no sepolen jo, sakbaten jon i‐akad et man‐imdeng kayo ma.

San Lucas 15:5 Iomraidhean Croise

San Lucas 15:32

Mesepol la dag‐en tayo iyay; pandadsak ka et, tep si agim, kowan ko nem etey, nem ẃara gayam ja sibibiyag. Istay nan‐atiw, nem imoli di.’ ”

San Lucas 15:4

“Kaspangarigan ey ẃaray nankalniro son si‐kayo ni sandasos, nem ma‐etiw i sakey, ngantoy pesing jo? Eg jo aya idekjas nin sota siyam ma polo tan siyam ja kalniro nodta pastolan et jo enapen sota sakey ya kalniron na‐atiw, ingkatod sepolen jo?

San Lucas 15:6

Jet no i‐akad jod baley jo, ta‐ẃalen jo ira sota kagajem jo tan inaskang jo, ja kowan jo ey, ‘Mandaladsak kito, ta simpol ko sota kalnirok ka na‐atiw!’

San Lucas 19:9

Kowan nen Jesus so nen Sakio ey, “Say kaysedakan, simabi niman shiyay ya pamilja, ta saja inpasing mo, si‐katoy ka‐asan to ey si‐kam ket agpayson anak shaka nen Abraham.

San Lucas 23:43

Kowan ngo nen Jesus son si‐kato ey, “Podno iya ikowan ko son si‐kam: niman na akew, mayda‐kam ken mandadsak son si‐kak shi dangit.”

San Juan 15:11

Sajay i kowan ko son si‐kayo, say mayda‐kam kayo nodta imdeng ja ẃara ngo son si‐kak, jet mas pay ya man‐imdeng kayon pasiya.

I-Ipiso 2:10

Ta si Apo Shiyos met i emalsowa son si‐katejo; jet niman ma, singa bado kiton palsowa ni inpamati tayo so nen Cristo, jet piyan nen Apo Shiyos ey sota mapteng i onoren tayo, ta sigod ja sotan i plano to ja piyan ton dag‐en tayo.

I-Ipiso 3:7

Jet say kabol la kinaasi‐an towak so nen Apo Shiyos, pinidi towak ja ontolong ja mengitosho ni mapteng nga shamag maypangkep son Cristo Jesus. Jet si‐kato met laeng i mengosal ni panakabalin ton ontolong son si‐kak.

1 I-Tisalonika 1:5

Amta mi, ta sota inpangikowan mi son si‐kayo nonta mapteng nga shamag maypangkep so nen Jesucristo, aliẃen na mismon si‐kami i edapo‐an nontan na esel, no diket inatngan shakami ni Ispirito Santo nen Apo Shiyos. Isonga ẃaray kedsang nonta inkowan mi, jet si‐katoy engi‐kan ni enigorado‐an jo ey podno. Inon‐an jo met i mapteng nga ogadi mi nonta inpaki‐iyan mi son si‐kayo. Jet sotan i ninemnem min dag‐en say ẃaray onoran jo.

2 Timoteo 2:26

Jet no maynemneman, onkopos ma so nen Satanas, ja istay nanngel son si‐kato, jet eg to ma dag‐en sota pipiyan nen Satanas.

Hodiyos 12:2

Jet topogen tayo ja si Jesus i nemnemen tayo, ta si‐katoy nanshogi‐an ni pamati tayo, jet si‐kato met laeng i onoren tayo ingkatod meksheng. Jet anam ton si‐katoy onoran tayo, ta inenosan toy digat nonta naydansa shi koros, ta amta to ey ẃaray mapmapteng ja naysagana shi dangit ja para son si‐kato; isonga angken na dinamsis sha tan binebaingan sha, inenosan to. Jet niman, ẃara ma shi petek ni kanawan nonta tinongawan nen Apo Shiyos, jet si‐kato ngo ma i Kangeto‐an na toray.

1 San Pedro 1:5

Sota panakabalin nen Apo Shiyos i emengajowan son si‐kayo ingkatod onsabi ali sota timpon ketongpal nonta namnama tayon maysedakan. Jet say kabol la eg tokejo i‐owayan, sota joka pemati so nen Cristo. Sajay ya kaysedakan tayo, insagana ngoreshan nen Apo Shiyos, nem eg tayo nin asen ingkatod ka‐onoran alin timpo.