San Lucas 15:22 - Dibshon Mengi-kan Ni Pansigshan

²² Nem say inpasing nonta ameto, kowan to so nonta baga‐en to ey, ‘Kano‐iyo, alejo di sota kamaptengan na baro et paibeshoyo! Singsingi jo pay, tan sapatosi jo!

San Lucas 15:22 Iomraidhean Croise

San Lucas 15:21

Kowan nonta anak to ey, ‘Tatang, nanbasolak son Apo Shiyos tan son si‐kam. Ekak ma maykeshin anak mowak.’

San Lucas 15:23

Daw kayo, jo di shonshon sota kilaw wa baken inpatebayo et paltiyo! Piyasta‐en tayoy inmotok ni anak ko!

I-Roma 13:14

Nem say nemnemen jo et ja dag‐en, sota inges ni dingka nen Apo Jesucristo; isonga niman, karejo ma nemnemen ja dag‐en sota pipiyan jon dag‐en nonta eg kayo pay laeng emati.

I-Roma 3:22

Say kosto‐an so nen Apo Shiyos so ni too, sota pamati to so nen Jesucristo. Jet sama ira Hodiyos, eg to paboran; nan‐i‐inges i pesing to so ni emin na too.

I-Roma 8:15

Jet sota Ispirito Santo ja ineẃat jon edapo so nen Apo Shiyos, aliẃen panbedin shakejo mowan ni singa baga‐en; marinel kayo ma, enshiy jo itakot ja shosa ali, no diket sota Ispirito Santo nen Apo Shiyos ja ineẃat jo, si‐katoy naybilangan jo ma ey annak tokejo. Jet si‐katoy kabol la tayoka ingadni so ma ey si Apo Shiyos i Ametayo.

I-Galasia 3:27

Ta sota emin son si‐kayon ebonjagan, ja ẃara ma son Cristo, nanbalin kayon inges nen Cristo ja annak nen Apo Shiyos.

I-Ipiso 6:15

Mesepol la esagana kayo ja mengikowan nonta maypangkep ni mapteng nga shamag ja mengi‐kan ni talna, jet sotan i may‐eshig ey singa sapatos jo.

Inpa-Amta Nen Jesucristo 19:8

jet naypalobos sotan na bii ja manbesho ni empotin dopot ja emenenili.” Kowan nonta esel nonta eshakel la too. Jet say olog nontan na empotin dopot, si‐kato sota eshiyosan na aramid ira nonta too nen Apo Shiyos.

Inpa-Amta Nen Jesucristo 2:17

Isonga si‐kayo, singpet jon itenengan sota pan‐ikowan ni Ispirito Santo nen Apo Shiyos so nonta ira emati. Sota ira mengenos ni digat, ja eg ma‐ebak, i‐aknan ko ira nonta tinapay ya kowan sha ey mana ja naysagana ja para son si‐kara. Tan sota ngaran sha, mesa‐datan. Isolat ko nodta empotin bato, et sajay ya bato, i‐akan ko son si‐kara, jet angken sipa, enshiy maka‐amta so ni ngaran shen bado, nem eg si‐kara bengat ja imawat so.” ’ Sajay day isolat mo para so nonta ira i‐Pirgamom.

Inpa-Amta Nen Jesucristo 3:18

Isonga niman takejoka pan‐eẃisa ja menongkal ni balitok son si‐kak — sota poron balitok ja tinonaw ni apoy — say onbaknang kayon kosto. Panongkal kayo pay son si‐kak ni empotin baro, say ẃaray isa‐din jo nodta kabebaing nga inpandabos jo. Panongkal kayo pay son si‐kak ni agas, say ẃaray i‐agas jo shita matejon ekorab, say man‐esas kayo ma.

Inpa-Amta Nen Jesucristo 6:11

Idi sotan, nay‐aknan iren emin ni empotin baro et inkowan nen Apo Shiyos son si‐kara ey, “Pan‐anos kayo nin; pansalsheng kayo nin ni otik ka timpo ingkatod ma‐anay sota bilang ni kait jon mebono. Ta sotan iren a‐akiyo shi pamati, ẃara ira pay laeng niman ja emansilbi son si‐kak.”

Inpa-Amta Nen Jesucristo 7:9

Idi naksheng ma iyay, inon‐an ko i eshakel la pasiyen too ja eg mebedin na mebidang. Edapo ired emin na sakop ni dobong, tan edapod emin na kalasin too, jet ẃara iren esho‐kon shima sango‐an nonta naykawen tongawan, ja sango‐an met laeng nonta Kalniro. Nanpanbaro ira ni edayag ga empoti, tan nanpengegni ira ni bolong nga singa bolong ni niyog.