San Lucas 14:15 - Dibshon Mengi-kan Ni Pansigshan

¹⁵ Waray sakey so ira nonta naydikob son Jesus; inteneng to sota inkowan nen Jesus sa “panbiyag mowan” et kowan to son Jesus ey, “Magesat ira di sota ẃaren mekilikob nem timpon pantoshayan nen Apo Shiyos.”

San Lucas 14:15 Iomraidhean Croise

San Mateo 25:10

Nem idi dimaw da iren en menongkal, mimotok ali sota dakin mengesawa, jet sota ira memeshikit ta nansagana, si‐karay ekidaw so nonta daki shima pankasalan to. Jet idi simekep ma ira nodta baley, naydekeb ngo mala sota sakepan.

San Mateo 8:11

Ikowan ko son si‐kayo, eshakel aliy medepod emin na sakop niya dobong, ja angken aliẃen Hodiyos, jet si‐karay ontongaw wa mekilikob so nen Abraham, si Isaac, tan si Jacob shima pantoshayan nen Apo Shiyos.

San Lucas 12:37

Ta no onmotok ali, ja angken kawa ni dabi ono palbangon, sota ira baga‐en ton sebi‐en ton eg na‐ogip, bindisiyonan nonta apo sha. Man‐imdeng ira tep sota apo sha, petongaw to ira jet si‐kato et ngo mowan i mengi‐kan ni kenen sha.

San Lucas 13:29

Eshakel aliy medepod emin na sakop niya dobong, ja angken aliẃen Hodiyos, jet si‐karay ontongaw wa mekilikob shima pantoshayan ali nen Apo Shiyos.

San Lucas 22:16

Ikowan ko iyay son si‐kayo. Sajay i ka‐onoran na Paskowa ja pekipenganan ko. Enshi ma nin ingkatod metongpal i podnon olog ni Paskowa shi pantoshayan nen Apo Shiyos.”

San Lucas 22:30

Mekiladsak kayo son si‐kak ni pantoshay ko, tan ontongaw kayo pay ja mengigsheng ni panbenagan ni emin na Hodiyos ja poli nonta sampolo tan showa ja annak nen Israel.” Kowan nen Jesus.

Inpa-Amta Nen Jesucristo 19:9

Jet sota anghil, kowan to son si‐kak ey, “Isodat mo iyay: Man‐imdeng ira sota na‐awis ja mekilikob so nonta Kalniro ni pengesawa to.” Jet kowan to pay son si‐kak ey, “Sajay ya inkowan ko, podnon esel nen Apo Shiyos.”