San Lucas 13:32 - Dibshon Mengi-kan Ni Pansigshan

³² Nem simongbat si Jesus ja kowan to ey, “Jo ikowan so nita sinan arin masikap ey ekak idekjas nin iyay ya dogad to. Niman tan kabasan, naka panpebtik iray dimonyo shi totoo, tan naka panpemapteng sota totoon emanpansekit. No bowas to, meksheng may obdak shiyay.

San Lucas 13:32 Iomraidhean Croise

San Marcos 6:14

Nontan na timpo, si Ari Hirodis, shinemag to sota maypangkep ni dingdingka nen Jesus, tep pan‐i‐etek ni karakdan na too si Jesus, jet kowan to ey, “Sajay ya shinemag kon too, sigosho si‐kato emo si Juan da ja para bonjag. Nanbiyag emo shi patey, isonga ẃaray panakabalin ton mandeka ni milagro.”

San Juan 10:32

Jet si Jesus kowan to son si‐kara ey, “Eshakel i mapteng nga dingkak ja obda nen Amak ja kowan to ey dag‐en ko. Jet towa nodtan na mapteng nga dingkak i kabol la kowan jo ey kespigan jowak so ni bato?”

San Juan 19:30

Jet idi ninamtan nen Jesus sota tapey ya inka‐ẃat nonta solsharo shi bongot to, kowan nen Jesus ey, “Naksheng ma.” Jet nanjokmos, asan ma ma‐bosi.

Hodiyos 2:10

Anam nen Apo Shiyos sotan na dag‐en, ta si‐katoy emalsowa ni emin na ẃara, jet si‐kato met laeng i emengajowan so, jet say pangkep to, anayen toy kaysedakan ira nonta annak to. Isonga inpandigat to si Jesus, say enshiy kolang to ni pengipangolo to ni totoon insalakan nen Apo Shiyos.

Hodiyos 5:9

Jet nontan ma, enshiy kolang to, jet mebedin ma ja si‐katoy mengisedakan ingkatod ingka ni emin na memati son si‐kato.

Hodiyos 7:28

Sota bilin nen Apo Shiyos ja naysolat nonta bayag da, emengitoshong no sipay toon manpeshi, jet say emeshotoki ni olay, too met laeng, ja ẃara ni olay i kolang sha. Nem sota inkowan nen Apo Shiyos ja inkari to pangkep son Cristo, kowan to ey sota Anak ton mismo, si‐katoy manbedin ni kangeto‐an na pari ingkatod ingka, jet enshiy to pankodangan. Jet sota inkari nen Apo Shiyos pangkep son Cristo, na‐onod ja timened nodta sigod ja bilin to, jet sina‐datan to sotan na sigod.