San Lucas 13:24 - Dibshon Mengi-kan Ni Pansigshan

²⁴ “Dagejoy kabaalan jon pasiya say si‐kayoy sakey. Ta say sakepan ja ondaw shi kaysedakan, may‐eshig ey edipit. Ikowan ko son si‐kayo, eshakel i totoon mengipeshas ja onsekep no onsabi sotan alin akew, nem eg mebedin.

San Lucas 13:24 Iomraidhean Croise

San Mateo 11:12

“Jet idi nonta inshogi nen Juan ja para bonjag i obda to, ingkato niman, sota pantoshayan nen Apo Shiyos, eshakel la pasiya i makapiyan. Jet sota ira eshom, ireka emekisikil, ta piyan shen mayda‐kam.

San Lucas 13:23

Nodta sakey ya dogad, ẃaray toon nansalodsod son Jesus ja kowan to ey, “Apo, ootik ngatay maysedakan?” Simongbat si Jesus ja kowan to ey,

San Lucas 21:36

Isonga say kowan ko son si‐kayo, mesepol la esagana kayo ni olay. Panshawat kayo son Apo Shiyos ni kedsang, say idasat jo iyay alin mepesamak, say manpeshang kayo ni anongosto son si‐kak ja kowan sha ey Anak ni Too.” Kowan nen Jesus.

San Juan 13:33

Si‐kayon took ja naka ikari ey annak ko, aliẃen enshokey ya timpoy kawashak son si‐kayo. Jet niman, ipinshowak sota inkowan ko so nonta ira toray ni Hodiyos, ey ẃaray timpon onsabi ja en‐enapen jowak, nem shima daẃan ko, eg mebedin na on‐onod kayo.

San Juan 5:4

ta ẃaray timpo ja kaidaw ali nonta anghil nen Apo Shiyos jet to pekeykey sota nabneng nga shanom, jet sota mepangdon too ja manteb‐ok nodta shanom ni timpon toka ikeykey, angken ngantoy sakit to, ma‐ekasan.

San Juan 6:27

Aliẃa komen sota mekan i jo kamkamkaman, ta say mekan, ema‐bos. Isonga say kamkaman jo koma ja jo enapen, sota may‐eshig ey mekan ja mengi‐kan ni biyag ja enshiy to engintegan. Sajay ya mekan na naka pan‐ikowan, sota kowan sha ey Anak ni Too, si‐kato i mengi‐kan son si‐kayo. Say ka‐amta‐an to ey ẃaray in‐akan nen Apo Shiyos ja kanebengan kon mengi‐kan ket inpa‐sas to ey towakka kosto‐i.”

San Juan 7:34

Jet en‐enapen jowak no toway dinaẃan ko, nem eg jowak sepolen. Jet shima daẃan ko, eg mebedin na on‐onod kayo son si‐kak.”

San Juan 8:21

Jet si Jesus, nantoro pay son si‐kara ja kowan to ey, “Waray timpon idekjas takejo, jet en‐enapen jowak, nem si‐kayo, metey kayo ey eg epakaẃanan i basol jo. Jet eg mebedin na on‐onod kayo son si‐kak shima dogad ja daẃan ko.”

I-Roma 10:3

Ta eg sha amtay koston pesing sha say kosto‐an ira nen Apo Shiyos. Say ẃared nemnem sha, kowan sha ey sota pandekara ni mapteng, si‐katoy kosto‐an so ira nen Apo Shiyos, jet si‐katoy shaka pespesing; eg sha i‐onod nodta kowan nen Apo Shiyos ey dag‐en sha koma.

I-Kolosas 1:29

Jet niman, say metongpal iyay, mesepol la ikalikatan kon dag‐en iyay et dag‐en ko iyay, ta asdeg ton ebadeg i tolong nen Cristo son si‐kak.

Hodiyos 4:11

Isonga niman, iparas tayoy kabaalan tayon mayda‐kam koma nodta panmaptengan ja i‐akan nen Apo Shiyos. Aliẃa komen tayo ingesen sota inpasing nonta ira too ja eg emati nonta bayag da, tep no ingesen tayo ira, ingesen tayo ira ngon meshosa.

2 San Pedro 1:10

Isonga si‐kayon a‐akik shi pamati, enshiy panshowashowa‐an jo ey pinidi shakejo nen Apo Shiyos ja manbedin ni too to, nem mesepol la dag‐en jon emin i kabaalan jon mengi‐nam ni ogadiyo nodta pinidi‐an shakejo so. Ta no sajay ya ogadin inkowan ko la ket si‐katoy dag‐en jo, ẃara kayo son Apo Shiyos ni olay ja eg kayo maysi‐jan son si‐kato ingkatod ingka.