San Lucas 13:11 - Dibshon Mengi-kan Ni Pansigshan

¹¹ Jet ẃara nodtan i biin pingketan ni dimonyo. Sotan na dimonyo, inpansakit to sota bii ni sampolo tan ẃalon tawen. Napkoy beneg to jet eg mebedin na on‐ekẃas.

San Lucas 13:11 Iomraidhean Croise

San Mateo 4:23

Si Jesus, pinasiyal ton emin i sakop ni Galilia, jet nantoro pay shima sa‐nopan ira nonta Hodiyos nodta dinadaẃan to. Inpaleẃag tod man sota mapteng nga shamag maypangkep ni pantoshayan nen Apo Shiyos. Jet angken sota ira toon ekalkalasiy sakit sha, inpamapteng to ira.

San Marcos 9:21

Inbag‐an nen Jesus sota ama ni nga‐nga, ja kowan to ey, “Pigan i nanshogi‐an niyay?” Simongbat sota ameto, ja kowan to ey, “Nanshogi nonta ka‐ootik to pay laeng.

San Lucas 13:12

Idi inon‐an nen Jesus iyay ya bii, tineẃal to ja kowan to ey, “Niman, ma‐kal ma sota sakit mo.”

San Lucas 13:16

Say kowan jo, ngaawak tep inbolos ko iya biin poli nen Abraham ja singa binedod nen Satanas ni sampolo tan ẃalon tawen. Say kowan ko, mesepol la ma‐ekasan, angken akew ni ngilin.” Kowan nen Jesus.

San Lucas 21:28

Isonga no asen jon emankepasemak iyay ya inkowan ko, pan‐imdeng kayo! Tangkak jo, tep shanshanin mayẃekas i digat jo.” Kowan nen Jesus iyay ya emin.

San Lucas 8:2

Tan ekidaw pay ira sota istay kawad‐an ni dimonyo, ja bibiin mimapteng, tan angken pay sota eshom ma bibiin na‐kal i sakit sha. Jet sajay i ngaran ira nonta bibii: si Maria Magdalena ja bintikan ni piton dimonyo,

San Lucas 8:27

Shima Girgasa, ẃaray toon eman‐engaw ja pingketan ni eshakel la dimonyo. Sajay ya too, shaka bedora ni kolkolong, tan kebantayi ni too. Nem kanayon ja kesebi‐a ni dimonyo et si‐kato ngoy timpon toka iketdang so ni kolkolong, jet kaidaw ni dimonyo shi shontog. Eg man‐iyan shi baley, nem eg shima kamposanto i toka pan‐iyanin ebayag, ja nandabos. Idi simekbit si Jesus shi kilig ni baybay, inaspol nontan na toon eman‐engaw. Idi inon‐an tos Jesus, pimekis et en nanshomog shi sango‐an nen Jesus. Si Jesus inkowan to so nonta dimonyo ey idekjas sha sota too et sota too, inkedsang toy keljaw to, ja kowan to ey, “Jesus! Anak nen Apo Shiyos sa Kangeto‐an! Ngantoy pesing mo ma son si‐kak? Pangaasim, karamak shosa‐en!”

San Lucas 8:43

Nodta eshakel la toon imonod son Jesus, ẃara ngoy sakey ya biin naydaok ja nanshala ni sampolo tan showen tawen. Kinastos ton emin i kokowa to shi doktor, nem enshiy makabaal ja engagas niyay ya sakit to.

Inpaspasing 3:2

Nodta sakepan shi Timplo ja kowan sha ey Memapteng nga Sakepan, ẃaray toon emankekekshaw ni pilak so nonta toon emanseskep. Sajay ya too, nay‐anak ka epilay ja eg maka‐akad, jet inakew wa shaka idaw nodtan.

Inpaspasing 4:22

Saja toon istay epilay ya kaskasshaaw i inmapteng to, esolok ka epat ta polo i tawen to.