San Lucas 12:6 - Dibshon Mengi-kan Ni Pansigshan

⁶ “Nem ẃara ngoy ebadeg ga semek nen Apo Shiyos. Nemnem jo kari sota titit. Enshiy banol ni titit, nem eg to ira ibiyang. No ẃaray menongkal ni titit, angken showen sintimos i dima, nem angken sakey so nonta ira titit, enshiy en dinibkan nen Apo Shiyos.

San Lucas 12:6 Iomraidhean Croise

San Mateo 10:29

“Nem ẃara ngoy ebadeg ga semek nen Apo Shiyos. Nemnem jo kari sota titit. Emaydeko i showa ni sakey ya sintimos nem angken sanseskey so nonta titit ja singa enshiy banol sha, eg ibiyang nen Apo Shiyos. No ẃaray ma‐kas sa angken sakey ya titit, amta nen Amejod dangit.

San Marcos 12:42

Nontan na oras, ẃara ngoy sakey ya ebalon biin ebiteg ja en engi‐kas ni showen engkokonting nga siljo, ja manbenol ni sakey ya sintimos.

San Lucas 12:24

Idmang jo kari ira ja kaẃang ono owak: eg ira manmoda ono mengepit; enshiy shaka pengitdo‐i ja sarosal sha. Nem si Apo Shiyos i ememekan son si‐kara! Jet araẃin nandasin i semek to son si‐kayo nem say sota ira titit.

San Lucas 12:27

Asas jo kari ira sota sabsabong shima shontog; nemnem jo kari no toway toka pesing nga manbiyag. Eg met man‐obda ono mengebel ni baro, nem iyay i ikowan ko son si‐kayo. Angken si Ari Solomon ja kabaknangan nonta bayag da, emin sota osal ton nankemapteng, eg sha pay ingesen i kamapteng ira nima sabsabong.