San Lucas 12:4 - Dibshon Mengi-kan Ni Pansigshan

⁴ Kagajem ko, iyay i kowan ko son si‐kayo. Karekayo ontakot so nonta ira makakontra son si‐katejo, tep bakdang bengat i kabaalan shen bono‐en.

San Lucas 12:4 Iomraidhean Croise

San Mateo 10:28

Karekayo ontakot so nonta ira makakontra son si‐katejo, tep bakdang bengat i kabaalan shen bono‐en; eg sha mebedin na pilshi‐en i dinaẃayo. Nem say mesepol la metekotan koma, si Apo Shiyos, ta ẃaray kabedinan ton meneshal ni bakdang tan dinaẃa ni too shi impiyarno.

San Juan 15:13

Say ka‐asan ni ebadeg ga semek ni sakey ya too, sota pengitodok to ni bakdang to ja angken metey para so nonta kagajem to. Sajay i oltimon ka‐asan ni kaba‐deg ni semek.

Inpaspasing 20:24

Nem si‐kak, say biyag ko, ekak ibilang ey epateg ono ebanol son si‐kak. Say ẃared nemnem ko, piyan kon meksheng sota obda ja in‐awat nen Apo Jesus son si‐kak ja mengitosho ni mapteng nga shamag pangkep ni kaasi nen Apo Shiyos.

Inpaspasing 4:13

Jet idi inon‐an sha ey etoled si Pedro nen Juan ja man‐a‐sel, nasshaaw iren pasiya ta amtara ey sajay iren too, ootik i ashal sha. Nem ninemnem sha ey si‐kara gayam sota eki‐odo‐odop so nen Jesus.

I-Pilipos 1:28

Jet say piyan kon amta‐en pay pangkep son si‐kayo, eg jo tekotan sota ira makakontra son si‐kayo, angken ngantoy pesing sha. No eg jo ira tekotan, sotan i amta‐an sha so ey si‐kara et ngo mowan i ma‐ebak ni anongosto jet si‐kayo i isalakan nen Apo Shiyos. Si Apo Shiyos met laeng i mengipa‐amta nontan son si‐kara,

Santiago 2:23

Isonga say kowan nonta naysolat nonta bayag da, kowan to ey, “Si Abraham, emati son Apo Shiyos jet sotan i kinosto‐an nen Apo Shiyos son si‐kato ja naybilangan to ey singa enshiy basol to.” Jet etongpal iyay nonta pinati to sota kowan nen Apo Shiyos ey dag‐en to. Isonga kowan sha nonta bayag da ey si‐katoy kajem nen Apo Shiyos.

1 San Pedro 3:14

Nem no bilang ey manda‐kam kayo ni digat pangkep nonta dingkayon piyan nen Apo Shiyos, mebindisiyonan kayo. Isonga eg kayo koma ontakot so ni kait jon too, ono kayo manshanag pangkep ni pena‐kot sha.

Inpa-Amta Nen Jesucristo 2:10

Eg kayo koma metekot nonta digat alin da‐kaman jo. Asas jo, ta si Satanas, kowan to ey peshasen to no kas‐anoy kedsang ni pamatiyo; isonga ibalod toy eshom son si‐kayo shi badoran et pandikat shakejo ni sampolon akew. Nem anosiyo ja angken na metey kayo, ta say sobadit ni ka‐anos jo, i‐aknan takejo ni biyag ja enshiy to engintegan.” ’