San Lucas 12:30 - Dibshon Mengi-kan Ni Pansigshan

³⁰ tep si Amejon ẃared naykayang, amta toy emin na mesepol jo. Sota ira toon enshiy pamatira son Apo Shiyos, anam shen manshanag ni panbiyagan sha, aliẃen si‐kayo.

San Lucas 12:30 Iomraidhean Croise

San Mateo 10:20

Ta aliẃen si‐kayon mismo i onsongbat so, no diket sota Ispirito nen Apo Shiyos ja Amejo, si‐katoy mengitoshong son si‐kayo.

San Mateo 18:14

Sajay i arig ni nemnem nen Amejo ja ẃared dangit, ta eg to ngo kosto ja ẃaray angken sakey so nonta ira took ja nankebaba ja on‐araẃi son si‐kak.

San Mateo 5:47

Jet no bilang ey say joka bengat tetbala ni kosto ket sota kagajem jo, enshi met laeng i jo kaydesinan so nonta ira karakdan na too. Ta sotan met laeng i kepesing ira nonta toon enshiy Shiyos sha.

San Mateo 6:1

“Eg mesepol la ipa‐sas joy mapteng nga aramid jod karakdan, ja kowan jo ey say i‐etek shakejo nonta mengesas son si‐kayo. No sotan i pesing jo, enshiy jo kon‐oren ja i‐akan ali nen Apo Shiyos ja Amejo shi dangit.

San Mateo 6:32

Tep si Amejon ẃared naykayang, amta ton emin i mesepol jo. Sota ira toon enshiy pamatira son Apo Shiyos, anam shen si‐karay manshanag ni panbiyangan sha, aliẃen si‐kayo.

San Mateo 6:8

Eg jo onoran sotan na shaka pesing, ta sota Amejod dangit, angken nonta eg jo pay laeng inkowan son si‐kato, amta to i emin na mesepol jo.

San Lucas 12:29

Tan aliẃen sota kenen jo tan inomen joy jo nemnemnemen. Karekayo manshanag,

San Lucas 12:31

Nem say epateg komen nemnemen jo, sota pantoshayan nen Apo Shiyos. No sajay i pesing jo, emin na banag ja kasapolan jo, i‐eshom nen Apo Shiyos ja i‐akan son si‐kayo.

San Lucas 12:32

“Si‐kayon took ja naka banbantayi, karekayo ontakot. Angken ootik kayo, si Amejon ẃared naykayang, eman‐imdeng nga pasiya ja si‐kayoy mayda‐kam shi pantoshayan to.

San Juan 20:17

Nem si Jesus kowan to ey, “Karamak egni‐an, ta ekak pay laeng dimaw ja nay‐oli so nen Amak shi dangit. Daw ka, mo ikowan so nonta ira a‐akik ey ondawak ma ja on‐oli so nen Amak ja Shiyos ko, ja si‐katoy Shiyos jo tan Amejo ngo.”

I-Ipiso 4:17

Jet niman, iyay i ibilin ko son si‐kayo ja edapo met laeng so nen Apo Jesus. Say kowan to, karejo ma onoran i ogadi ira nonta toon enshiy Shiyos sha, ta enshiy kenkenshat nonta ẃared nemnem sha.

1 I-Tisalonika 4:5

Say pengesawa, aliẃen na en nemnemnemen i pandadsakan shi bii bengat, ja inges toy itsora ira nonta toon eg emati so nen Apo Shiyos.