San Lucas 12:21 - Dibshon Mengi-kan Ni Pansigshan

²¹ Kowan pay nen Jesus ey, “Say pengidmang nen Apo Shiyos so ni toon baknangan to bengat i toka nemnemnema, ebadeg i nankolangan to. Say mepesamak ali son si‐kato, inges to sota epasemak so nonta baknang shiyay den istoriya.”

San Lucas 12:21 Iomraidhean Croise

San Lucas 12:33

Ilekoyoy kokowayo et sota pandeko‐an jo, i‐kan jo so nonta totoon makasapol. Sotan i koston pesing nga mengolnong ni kokowa shi dangit ja eg mepilshi. Shiman, enshiy mengibot so, tan angken sota baro, enshiy bigis sa onsharal so.

San Lucas 16:11

No eg kayo mepiyal la mengosal ni kokowa shiya dobong, eg ngo ipiyal nen Apo Shiyos son si‐kayo i podnon kokowa to ja eg mepokaw.

San Lucas 6:24

“Nem kakaasi kayon pasiya ja toon say kawad‐an ni dadsak jo ket etopog shima kokowayo. Nam‐ay i joka panbiyag!

I-Roma 2:5

Nem etangken i nemnem ni too, eg sha koston manbebawi maypangkep ni basol sha; isonga singa shaka pan‐olnonga i basol sha ja si‐kato met laeng i keshosa‐an sha, no onsabi ali sota timpon penosa nen Apo Shiyos so nonta ira nanbasol. Tep koskosto i pengigsheng ali nen Apo Shiyos,

2 I-Korinto 6:10

Kamika emandeshingit, nem ẃara met laeng ni olay i imdeng mi; ebiteg kami, nem eshakel met i singa inpabaknang mi; enshin polos i kokowa mi, nem singa in‐akan nen Apo Shiyos son si‐kami i emin na ẃaray banol to.

1 Timoteo 6:9

Nem sota toon baknangan toy toka nemnemnema, inam‐ay ya ma‐eẃis ja mandeka ni angken nganton ngaaw. Jet emesaol la mengamkam ni ka‐iri‐irin ja enshiy silbi to. Anongosto ma ey sotan met laeng i emengi‐kan ni kesheshalan to, ta mepilshi ingkatod ingka.

Santiago 2:5

Si‐kayon a‐akik shi pamati, itnengi jo iya ikowan ko son si‐kayo. Si Apo Shiyos, pinispis toy nankebiteg ja endedamsis shed ja dobong, ja si‐kara et ngo mowan i kawa‐ẃa‐sha‐an ni pamati son si‐kato, jet inkesheng to ey mayda‐kam ira di shi pantoshayan to ja inkari to so nonta ira toon ẃaray semek sha son si‐kato.

Inpa-Amta Nen Jesucristo 2:9

Kowan to son si‐kayon i‐Simirna ey, “Amtak iray digat jo; amtak ey ebiteg kayo, nem say podno, baknang kayo. Amtak sota ngaaw ja kaikokowan ira nonta Hodiyos son si‐kayo. Nem si‐kara, eg sha onoren si Apo Shiyos, isonga singa aliẃen Hodiyos ira; too gayam ira nen Satanas.