San Lucas 12:19 - Dibshon Mengi-kan Ni Pansigshan

¹⁹ Jet say ẃara med nemnem ko, ekak ma manshanag tep ẃaren emin i mesepol ko ni pigen tawen. Angken ekak ma man‐obda! Menganak tan menginomak bengat. Dadsak may dagdag‐en ko!’

San Lucas 12:19 Iomraidhean Croise

San Lucas 12:18

Nannemnemnem, jet say kowan to shorog shi bakdang to, ‘Sajay gayam i dag‐en ko. Bagbagen ko ima sigod ja naka pengitdo‐i et mengemagak ni ebadbadeg, jet si‐katoy pengitdo‐an ko ni emin na apit ko, tan sama eshom pay ya kokowak.

San Lucas 16:19

“Waray toon baknang; ebanol i baro to, tan en‐amis i sira to ni inakew.

San Lucas 21:34

Jet si Jesus, binanshaanan to ma ira, ja kowan to ey, “Pantanshaan kayo. Karekayo mesiẃat ni paspasiyal tan inom ni adak, ono mesiẃat ni nemnemnem jo nem ngarantoy pesing jon manbiyag. Baka ondibag kayo ni imotok ko di, tep mebiglen pasiya, ja inges toy kebkas ni katig. Messhaaw wa emin i totoon ẃared ja dobong.

1 I-Korinto 15:32

Ngarantoy kon‐oren ko no sajay ya biyag ko niman bengat i pengintegan to, ja ekak mowan manbiyag shi patey? No sotan, singa inges ko sota nemnem ni karakdan! Shiya Ipiso, makedsel iray toon makakontra son si‐kak; mabonget iren singa atap pa animal. Jet no bilang ey sota etey ket, eg manbiyag mowan, agpos ey i‐onod koy kowan sha. Say pesing et ma, mandaladsak kito et, ta no ekay, metey kito met laeng jet sotan may pengintegan to!

I-Pilipos 3:19

Sajay iren totoo, sota shosa i emansessesked son si‐kara. Say singa shiyos sha, sota ekes sha tep epingit ira ni kompormi. Shaka pay idastog sota aramid shen ngaaw, ja nebeng nga ibebaing sha koma, aliẃen sha ikokowan. Tan say shaka nemnemnema pay, sota kompormin ẃared ja dobong, aliẃen sota maypangkep son Cristo.

1 Timoteo 5:6

Nem sota biin ebalo ja sota daddadsak i toka nemnemnema bengat, enshiy silbi to. Angken ẃara pay laeng ja emanbibiyag, singa naybilang nga etey.

1 Timoteo 6:17

Ikowan mo so nonta ira bebaknang nin niman na sibibiyag ired ja dobong ey aliẃen ira ondastog, tan aliẃen sota pilak shay sha en panshindan, ta aliẃen sigorado. Isonga say panshindan sha koma, si Apo Shiyos, ja emengi‐kan ni emin na kasapolan tayo, ja tayoka kenkenasa.

2 Timoteo 3:4

Angken kait sha, i‐owapan sha; eg sha pay nemnemen i panbenagan ni shaka dagdag‐a. Nayda‐kad i dastog sha; sota daddadsak bengat i pipiyan shen dagdag‐en; enshin polos i semek sha so nen Apo Shiyos.

Santiago 5:5

Siya, say biyag jo niman, nam‐ay, ja kayoka mandaddadsak. Nem no ka‐onoran alin akew, ikaro jo. Singa inges jo sota kalniron timaba ni pangan ni edet, nem eg to amta ey mepalti gayam ali.

1 San Pedro 4:3

On‐anay koma sota epalabas den timpo ja dingdingka‐an jo so ni pipiyan jon dag‐en, ja inges to sota pipiyan na dag‐en ni toon enshiy Shiyos to. Nontan da, kabebaing i aramid jo, ta apil i istay pipiyan jon dag‐en: kayoka manbotboteng nontan, jet no ma‐olnong kayo, nayda‐kad i istay joka pesing, joka pay pandag‐ay aliẃen nebeng nga dag‐en jo. Jet say nanbasolan jo pay nontan so nen Apo Shiyos, apil i joka panshedjawi; aliẃen na si‐kato, no diket sota sinan shiyos ja dingka ni too.

Inpa-Amta Nen Jesucristo 18:7

Epaladoy toka pengi‐tek shorog ni bakdang to, jet basta nganton piyan to, al‐en to. Isonga say pesing jo, i‐enam jo nodtan na aramid to i shosa to: i‐akniyo ni pandikatan to, ja pannengnengisan to, ta say ẃared nemnem to, kowan to ey si‐katoy toray ja ari, jet kowan to pay ey, ‘Apay ebalo‐ak? Enshiy nak pandeshingitan.’