San Lucas 12:15 - Dibshon Mengi-kan Ni Pansigshan

¹⁵ Jet intoloy ton ẃaray inkowan to so nonta totoon eshakel ey, “Pantanshaan kayo ta baka ẃaray pengamkam jo ni kompormi, ono apal jo ni kokowa ni eshom, ono ma‐isew kayo. Say biyag ni too, aliẃen shi kokowa toy toka pandepo‐i, no diket si Apo Shiyos i nanngel, angken ngantoy kabaknang to.”

San Lucas 12:15 Iomraidhean Croise

San Marcos 7:22

ẃaray emengibot, ẃaray ememono, ẃaray emengamkam ni kompormi, tan ẃaray toon maledamsis. Isonga ẃara pay iray emenaol ni kait to, ẃaray toon enshiy baing ton mandeka ni angken nganto, ẃaray ma‐epal, ẃaray emenomang ni kait to, ẃaray edastog, tan ẃara pay iray eshom ma mandeka ni ekalkalasin dokodokon aramid.

San Lucas 12:16

Jet si Jesus, in‐arigan to ira ja kowan to ey, “Waray baknang ja asdeg toy toka epita nodta bo‐day to.

San Lucas 16:14

Sota Parisiyo, epateg i pilak son si‐kara; isonga idi intenengan sha iyay ya inkowan nen Jesus, inbi‐ẃisan sha.

San Lucas 21:34

Jet si Jesus, binanshaanan to ma ira, ja kowan to ey, “Pantanshaan kayo. Karekayo mesiẃat ni paspasiyal tan inom ni adak, ono mesiẃat ni nemnemnem jo nem ngarantoy pesing jon manbiyag. Baka ondibag kayo ni imotok ko di, tep mebiglen pasiya, ja inges toy kebkas ni katig. Messhaaw wa emin i totoon ẃared ja dobong.

San Lucas 8:14

Sota nayponta‐an ni botil ja similja ni sebit, si‐katoy kay‐eshigan nonta ira toon mengitneng ni esel nen Apo Shiyos, nem say shaka nemnemnema, sota pesing shen manbiyag, sota pandadsakan sha, tan sota ekanas sa biyag ni baknang. Jet anongosto ma ey ma‐abak. Isonga enshiy ka‐asan ma ni shaka pemati.

I-Kolosas 3:5

Niman, ta enshiy kaybiyangan jo nodta nemnem ni karakdan shiya dobong, ibiyang jo sota dingdingkayon ngaaw. Karekayo memii, ono mandeka ni eshom ma ensekig ga aramid; karejo nemnemen ja dag‐en sota ngaaw wa pangkep; karejo pingitan sota banag ga pipiyan jon pasiya, ta sotan, singa inges toy panshedjaw ni sinan shiyos.

2 Timoteo 3:2

Ta sajay alin timpo, say nemnemen bengat ni totoo, sota bakdang sha shorog, jet sota pilak pay bengat i epateg son si‐kara. Ondastog ira, jet enshiy baing sha. Shaka sobda‐i i pesing shed kait shen too, eg sha pay pati‐en i bilin ni maka‐anak son si‐kara. Enshiy kowan sha ey ipa‐sas shay shaka pan‐iyaman, jet bedawen sha ja mantetneng ni maypangkep so nen Apo Shiyos.

Hodiyos 13:5

Aliẃen sota pilak koma i mengebak ja jo nemnemnemen; sota ẃara son si‐kayo, si‐katoy enosan jo. Amta nen Apo Shiyos i kasapolan tayo; isonga kowan to ey, “Eg takejo baybay‐an, ono i‐oway.” Kowan to;

2 San Pedro 2:14

Sajay iren totoo, no ẃaray asen sha pay ya bii, apil la shagos i ẃared nemnem sha. Eg ira on‐ekdas ja mandeka ni ngaaw wa ẃared pangkep sha. Sota ira toon emanbinaliw i nemnem sha, si‐karay shaka en‐enapa ja i‐owapan, jet edaing iren mengamkam ni kompormi. Sajay i shosa‐an so ira nen Apo Shiyos.

2 San Pedro 2:3

Sajay iren o‐owap i toro sha, pilak i shaka nemnemnema. Isonga say pesing sha son si‐kayo, tapngan shakejo ni en‐amis sa esel ja o‐owap say panpidakan shakejo. Nem emansessesked i keshosara ja singa eman‐a‐agag ni imotok sha, ta sigod ja inkesheng nen Apo Shiyos ey kenshat ta meshosa ira.