San Lucas 12:14 - Dibshon Mengi-kan Ni Pansigshan

¹⁴ Nem si Jesus, kowan to ey, “Kajem ko, aliẃen si‐kak i mengigsheng nita tawid jon kowan mo ey panbingay jon san‐agi.”

San Lucas 12:14 Iomraidhean Croise

San Lucas 12:13

Waray toon naydaok nodtan na eshakel la totoo ja kowan to ey, “Maistoro, ikowan mo son agik ey panbingay mi sota tawid ja minos‐an to.”

San Lucas 22:58

Enshiy bayag to, ẃara mowan i daki ja engimaton son Pedro et kowan to ey, “Si‐kam met i sakey ya too nontan na too.” Nem kowan nen Pedro ey, “Moka ba‐ba‐ngatay esel! Apil, aliẃen si‐kak!”

San Lucas 5:20

Idi inon‐an nen Jesus i ebadeg ga pamatira, kowan to nonta toon inoy‐oy sha ey, “Kajem ko, sota basol mo, epakaẃanan.”

San Juan 6:15

Si Jesus, amta toy ẃared nemnem ira niyay ya too, ey piditen shen si‐katoy panbedin shen ari sha; isonga si Jesus, indekjas to ira, jet dimaw ja abos to nodta nayda‐med den shontog.

San Juan 8:11

Sota bii, simongbat ja kowan to ey, “Angken sakey son si‐kara met ket enshiy engitodoy.” Jet si Jesus, kowan to so nonta bii ey, “Angken si‐kak, aliẃa ngon kowan ko ey meshosa ka. Nem akad ka jet bi‐jagim sota ngaaw wa aramid mo.”

I-Roma 2:1

Say inkowan ko la, sajay. Sota toon ẃaray basol to, anam ton meshosa. No sota mengitneng niyay ket kowan to ey epalado noman i basol ni eshom, ja eg to ida‐kam i bakdang to, enshi met laeng i to idason son Apo Shiyos, ta singa bakdang to met laeng i toka panshoyshoya nontan na kowan to ey basol ni eshom. Ta iso met laeng ja nan‐inges i aramid shen ngaaw. Jet amta tayo ey sota showen toon nan‐inges i basol sha, nan‐inges met laeng nga shosa‐en nen Apo Shiyos iren showa, angken ngantoy katoora.

I-Roma 2:3

Isonga sota toon emengikowan ey epaladoy basol ni eshom, eg to ngo disi‐an sota shosa nen Apo Shiyos, ta angken si‐kato, iso met laeng ja ngaaw i aramid to.

I-Roma 9:20

Nem too ka bengat jet eg ka koma onpa‐so ja onsopngil son Apo Shiyos! Say kay‐eshigan to, sota mandeka ni banga. Enshiy mebedin nonta banga ja onsopngil nonta itsora ni inkaleka to. Sota inpasing nonta dimaga so, si‐kato.