San Lucas 12:11 - Dibshon Mengi-kan Ni Pansigshan

¹¹ “No idaw shakejon mebistigal shi sango‐an ni toray ni Hodiyos, ono shima engaton toray, karekayo meshanagan no ngarantoy isongbat jo ono ngarantoy ikowan jo son si‐kara,

San Lucas 12:11 Iomraidhean Croise

San Mateo 23:34

Jet niman, mengibetkagak da ngo son si‐kayo ni toon mengikowan ni esel nen Apo Shiyos, tan mengibetkagak ni eshom ma toon edaing nga mantosho ja ondaw son si‐kayo. Nem bono‐en jo ira sota eshom ja idansa shi koros, jet sota eshom son si‐kara, sepsepdaten jo ira shima sa‐nopan jo. Jet emin sota mebay‐an ja eg jo bono‐en, osilen jo pay ira shi ka‐ili‐ili.

San Mateo 6:25

“Isonga say ikowan ko son si‐kayo, aliẃen kayo meshanagan ni panbiyag jo: no ngarantoy kenen jo, ono inomen jo, ono ibaro jo. Ta say biyag tan bakdang, epateg nem say mekan tan baro.

San Mateo 6:27

Sota joka panshanshanag, eg to met peshokey i biyag jo ni angken ootik.

San Mateo 6:28

Apay nga sota ibaro joy joka panshanshanagi? Asas jo kari ira sota sabsabong shima shontog; nemnem jo kari no toway toka pesing nga manbiyag. Eg met man‐obda ono mengebel ni baro,

San Mateo 6:31

Karekayo meshanagan ja kowan jo ey, ‘Towa emoy pengal‐an da ni i‐ala ni mekan?’ ono, ‘Towa emoy pengal‐an ni i‐ala ni ma‐inom, ono ibaro?’

San Mateo 6:34

“Karekayo manshanag niman maypangkep ni ma‐onod alin timpo, ta shi ma‐onod alin timpo, si‐kato ngoy pannemnem jo ni mesepol jo no onmotok sotan ali ngon akew. Sota problima niman na akew, si‐katoy nemnemen jo bengat; eg jo i‐eshom i problima ja onsabi nem kabasan.

San Lucas 12:22

Si Jesus, kowan to so nonta too to ey, “Isonga say kowan ko son si‐kayo, aliẃen kayo meshanagan ni panbiyag jo: no ngarantoy kenen jo ono ibaro jo.