San Lucas 11:52 - Dibshon Mengi-kan Ni Pansigshan

⁵² “Kaasi kayo di, si‐kayon mamaistoro ni dinteg! Ta si‐kayo i kabol la eg so amta‐an ni totoo ni maypangkep so nen Apo Shiyos. Si‐kayon shorog, eg jo koston amta‐an, jet si‐kayo i timiped so ira nonta toon makapiyan na mengamta.” Kowan nen Jesus.

San Lucas 11:52 Iomraidhean Croise

San Mateo 22:35

Jet ẃaray sakey son si‐kara ja nan‐ashal ni dinteg ja nansalodsod so nen Jesus, say balang nem ẃaray apil la ikowan nen Jesus ja pebesolan sha so. Jet kowan to ey,

San Mateo 23:13

“Nem kaasi kayo din mamaistoro ni dinteg, tan si‐kayon Parisiyo! Sinan maronong kayon too! Say keshosa‐an jo, si‐kayoy singa emengipeshit ni kait jon too ja mayda‐kam shi pantoshayan nen Apo Shiyos. Jet angken si‐kayon mismo, eg jo kosto. May‐eshig ey si‐kayoy mengilkeb ni sakepan ni pantoshayan nen Apo Shiyos so nonta ira makapiyan na onsekep koma.

San Lucas 11:53

Idi naksheng nga inkowan to iyay, bimo‐day si Jesus nodtan na baley. Nem sota mamaistoro ni dinteg ni Hodiyos tan sota ira Parisiyo, empait shen pasiya sota inkowan to; isonga manshoki nontan, pineshas shen pasiya i kabaalan shen menaol son si‐kato. Say inpasing sha, eshakel i inbagabaga sha son si‐kato ni maypangkep ni ka‐iri‐irin, ta kowan sha ey balang nem ẃaray pankamali‐an ton isongbat, ja pebesolan sha son si‐kato.

Inpaspasing 5:40

Inpaskep sha mowan sota apostol, jet inpasepdat sha nin ira asan shaka ikowan son si‐kara ey kenshat ta eg sha ma itorotoro i maypangkep son Jesus shi totoo, asan shaka ma ira ibodos.