San Lucas 11:29 - Dibshon Mengi-kan Ni Pansigshan

²⁹ Kanayon na manka‐shomi sota ira too ja mantetneng son Jesus. Jet nontan, inkowan to ey, “Ngaaw iray aramid ni too ma niman! Say shaka pan‐ibaga, sota milagro, ta kowan sha ey si‐katoy asanan sha so no agpayson si Apo Shiyos i engibetkag son si‐kak. Nem enshiy milagro ja en maypa‐sas son si‐kara niman! Say pengamta‐an jo ey inbetkag towak nen Apo Shiyos, no onsabi son si‐kak sota inges toy epasemak so nen Jonas nonta bayag da.

San Lucas 11:29 Iomraidhean Croise

San Mateo 3:7

Nem idi inon‐an nen Juan ira sota Parisiyo, tan sota ira Sadosiyo, ja emandaw son si‐kato, ja kowan sha ey ira manpabonjag ngo son si‐kato, kowan nen Juan son si‐kara ey, “Si‐kayo, singa oleg i ogadiyo! Say kowan jo emo, mebedin na disi‐an joy penosa nen Apo Shiyos no manpabonjag kayo bengat?

San Marcos 8:38

No sota toon embaing nga mengikowan ey si‐kato ket took, ono embaing nga mengikowan ni esel ko no maydaok shi totoon eg mannemnem so nen Apo Shiyos tan toon mabesol, ibaing ko ngo sotan na too no ondawak alin mantoshay. Agpayson si‐kak sota kowan nonta para padto nonta bayag da ey Anak ni Too, jet sotan alin idaw ko mowan, say kasesaad ko, inges ko met laeng i kasesaad nen Apo Shiyos. Tan may‐odop ali sota ira anghil to son si‐kak.”

San Lucas 11:16

Sota ira eshom, piyan shen peshasen si Jesus, isonga inkowan sha ey mandeka ni milagro ja asanan sha so kono no podnon inbetkag ali nen Apo Shiyos.

San Lucas 11:50

Isonga si‐kayon too niman na timpo, meshosa kayo di ja ikaro jo sota inpamono ni ap‐apo jo so nonta ira inbetkag nen Apo Shiyos, manshoki nonta inkapalsowa niya dobong ingkato niman.

San Lucas 12:1

Nontan, shimakel la pasiyay totoon emay‐odo‐odop son Jesus, ja shaka pay pan‐ikatin i sedi ni eshom. Jet nontan, ẃaray inkowan nen Jesus, nem ẃa‐ẃa‐shen sota too to i toka pan‐ikowani so; kowan to ey, “Tanshaaniyo iray Parisiyo, tep singa mapteng ira nem o‐owap gayam i kamapteng sha. Baka ma‐edinan kayo ni ngaaw wa ogadira, ja singa inges toy para debag ni tinapay ja toka edinay kaydaokan to.

San Lucas 9:41

Simongbat si Jesus ja kowan to ey, “Enshiy pamatiyo eshan, ap‐apil kayon too! Ebayagak met shiyay ja eman‐enos son si‐kayo, nem eg jo pay laeng pati‐en i panakabalin nen Apo Shiyos! Ilaw mo did jay sota anak mo!”

San Juan 2:18

Jet sota ira pangolo ni Hodiyos, kowan sha son si‐kato ey, “Ngaranton milagro i ipa‐sas mo son si‐kami ja amta‐an mi so ey si‐kam ket podnon inbetkag ali nen Apo Shiyos? No ẃara, siya, memati kami ey ẃaray kalintegan mon dimaga so niyay.”

San Juan 6:30

Nem sota ira totoo, kowan sha ey, “Ngaranto ngarod i ipa‐sas mo pay son si‐kami, say pati‐en mika? Ngantoy dag‐en mo ja inges toy dingka nen Moises nonta bayag da?

San Juan 8:44

Inges jo eshan i ogadi nen Satanas ja amejo. Say pipiyan jon onoran na dag‐en, sota piyan nen Satanas. Nonta pilmiro, si‐katoy engipangdon bimono. Enshin polos son si‐katoy podno, no diket say pipiyan ton dag‐en, sota pan‐o‐owap. No ẃaray ikowan to, o‐owap pa emin, ta si‐katoy ogadi to. Jet si‐katoy amejo; isonga say joka pati‐a ket sota o‐owap.

1 I-Korinto 1:22

Sota ira Hodiyos, eg ira kono memati no enshiy sha asen na panakabalin nen Apo Shiyos ja dag‐en min milagro, jet sota ngo ira toon kowan sha ey Grigo, eg ira kono ngo memati no enshiy na‐oneg ga toro ja mengi‐kan ni pannemneman sha.