San Lucas 11:19 - Dibshon Mengi-kan Ni Pansigshan

¹⁹ No kasta, kowan jo ey si‐kato ngarod i ka‐osala ni too jo ni shaka pengipebtik ngo ni dimonyo? No sotan i kowan jo, angken sota too jo, bedawen sha ita kowan jo ey sota apo ni dimonyo i ema‐osal ni pebtik so ni kait ton dimonyo.

San Lucas 11:19 Iomraidhean Croise

San Mateo 10:25

Sota man‐ashal, mepnek koma no ingesen to sota emengitosho son si‐kato; jet angken ngo sota baga‐en, mepnek ngo koma no ingesen to sota apo to. Say olog niyay, no si‐kak ka apo jo ket eg sha ibaingan, ja kowan sha ey apo sha‐ak ni dimonyo, mas pay ya ngaaw i ikokowan sha maypangkep son si‐kayon took.

San Mateo 4:24

Isonga nontan, eshamag iyay shi intiron sakop ni Siria, jet indaw sha ali son si‐kato sota ekalkalasiy sakit sha, pati sota ira emankelshas tan sota eg makakeykey i bakdang sha. Tan angken pay sota ira eman‐engaw ja kawad‐an ni dimonyo. Jet si Jesus, inpamapteng to ira jay ya emin.

San Lucas 19:22

Kowan nonta ari ni songbat to ey, ‘Si‐kam, eg ka mepiyal la baga‐en ko! Sota inkowan mo, si‐katoy kaybetayan ni keshosam! Amtam gayam ey palado‐ak ka too, amtam ey naka pan‐epitay angken aliẃen molak, amtam ey naka pan‐al‐ay aliẃen kokowak.

San Lucas 9:49

Kowan nen Juan ey, “Apo, ẃaray inon‐an min too ja emengosal ni ngaran mo say onbetik iray dimonyo ja pimeket shi totoo. Jet inpasalsheng mi tep eg naykait son si‐kamin toom.”

Inpaspasing 19:13

Jet nontan ngo, ẃara ira sota Hodiyos ja eman‐eka‐ekad, ja say shaka dagdag‐a ket sota pebtik so ni dimonyo ja pimeket shi totoo. Jet pineshas shen pebtik sota dimonyon pimeket shi totoo, ja kowan sha ey osalen shay ngaran nen Apo Jesus, ja kowan sha ey, “Ikowan ko son si‐kam ma dimonyo ey, kabol ngaran nen Jesus ja kepan‐itoro nen Pablo, betik ka so nita too.”

I-Roma 3:19

jet amta tayo ey sota kowan nonta bilin ja nay‐awat nonta bayag da, say kaytoshongan to, sota ira toon nay‐awatan to ngo ja Hodiyos. Jet say kabol la naysolatan nontan, say angken sipen too, mayda‐kam ira ngo ja enshiy sha idason son Apo Shiyos, tan say amta‐an pay ni emin na tood ja dobong ey ẃaray ikaro sha so nen Apo Shiyos ja basol sha.