San Lucas 10:6 - Dibshon Mengi-kan Ni Pansigshan

⁶ Jet no maronong sotan na toon nanbaley nodtan, ja anam ton mebindisiyonan, ontoloy sota inkowan jon bindisiyon nen Apo Shiyos son si‐kato.

San Lucas 10:6 Iomraidhean Croise

San Lucas 10:5

No onmotok kayo nodta balebaley, say pilmiron pesing jo, ikowan jo ey, ‘Bindisiyonan koma nen Apo Shiyos i nanbaley shiyay ya baley.’

San Lucas 10:7

Topog joy baley ya pan‐inan jo, karekayo man‐a‐atan. Jet sota ẃaren isango sha son si‐kayo ja kenen jo, si‐katoy singa dagboyo. Ta sota man‐obda, nebeng ton may‐aknan ni kompormin mesepol to.

I-Ipiso 5:6

Karejo patpati‐en sota kowan ira nonta eshom ey palobos sa dag‐en ira jay ya edogit ta aramid, ta sota ensekig ga aramid i kabol la shosa‐an so nen Apo Shiyos so nonta ira eg memati.

2 I-Tisalonika 3:16

Jet say shawat ko pay, si Apo Jesucristo ja kedepo‐i ni talna, si‐kato komay mengi‐kan na mismo ni talna son si‐kayo ni olay. Jet sapay koma ta si‐katoy onbantay son si‐kayon emin shitan.

Santiago 3:18

No mapteng i pesing ni too so ni kait to, tan toka isingpet i kait ton emanbekal, say panbenagan to, a‐shoman nen Apo Shiyos i mapteng nga ogadi to.

1 San Pedro 1:14

Jet niman ta annak shakejo ma nen Apo Shiyos, sota bilin to komay onoren jo ni olay. Baliẃiyo ma sota sigod ja ogadiyo nonta eg jo pay laeng inamta‐an i bilin to.