San Lucas 10:42 - Dibshon Mengi-kan Ni Pansigshan

⁴² Sakey bengat i kasapolan jet si Maria, amta toy mesepol et pinidi toy mapteng nga eg mebedin na ma‐kal son si‐kato.”

San Lucas 10:42 Iomraidhean Croise

San Marcos 8:36

No kaspangarigan ey kinokowa ni sakey ya too i emin na ẃared ja dobong, enshiy silbi nontan na kinokowa to, no eg to kon‐oren sota biyag ja enshiy to engintegan.

San Lucas 10:39

Si Marta, ẃaray agi ton si Maria i ngaran to. Sajay ya agi to, timongaw wa emantetneng ni kepan‐itoro nen Jesus.

San Lucas 11:1

Nonta sakey ya akew, emansheẃat si Jesus so nen Apo Shiyos et idi naksheng, kowan nonta sakey ya too to son si‐kato ey, “Apo, itod‐iyokami ni pesing min mansheẃat son Apo Shiyos, ja inges toy inpangitoro nen Juan so ira ni too to.”

San Lucas 12:20

Nem say kowan nen Apo Shiyos so nontan na baknang, kowan to ey, ‘Dokodoko tan na nemnem mo! Niman na dabi, odi‐en koy biyag mo! Jet eg mo kenasen ita emin na kokowam ma inolnong mo!’ ”

San Lucas 12:33

Ilekoyoy kokowayo et sota pandeko‐an jo, i‐kan jo so nonta totoon makasapol. Sotan i koston pesing nga mengolnong ni kokowa shi dangit ja eg mepilshi. Shiman, enshiy mengibot so, tan angken sota baro, enshiy bigis sa onsharal so.

San Lucas 16:2

Inpa‐odop to sota toon emengimanshal et inbag‐an to, ja kowan to ey, ‘Iyay i shamag ko pangkep son si‐kam. I‐odim alin emin sota inpiyal ko son si‐kam; a‐kalen taka med jay tep eg ka mepiyal.’ Kowan nonta baknang.

San Lucas 16:25

Nem kowan nen Abraham ey, ‘Anak ko, nemnem mo kari iyay. Nonta ẃara ked biyag, ẃara son si‐kam ma emin nontan i mesepol mo et kinenkenas mo. Nem si Lazaro nontan, enshin polos i mebedin to, jet kakaasin pasiya. Nem niman ngo, iyay shiya mapteng nga dogad ja emannam‐ay, jet si‐kam ngoy emandikat.

San Lucas 18:22

Idi intenengan nen Jesus iyay, kowan to ey, “Wara pay laeng i sakey ya kolang mo. Ilekom ira sota kokowam et sota dako to, iweshis mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

San Lucas 8:18

Singpet jon itenengan, tep sota toon mengitneng tan memati, metod‐an pay. Nem sota toon endedamsis to, ja eg memati, angken sota ootik ja kowan to ey amta to, ma‐enshi pay.” Kowan nen Jesus.

San Juan 11:1

Wara iray san‐a‐aki ja nanbaley shi Bitania, jet say ngaran sha, si Maria, si Marta, tan si Lazaro. Jet si Lazaro, ja agi sha, nansakit. (Si Maria, si‐kato sota mengiro‐jag ali ni emanseng‐ew wa dana shi sedi nen Jesus, asan toka ponasi ni bowek to.)

San Juan 11:19

isonga nonta etey ma si Lazaro, eshakel iray Hodiyos ja edapod Jerusalem ja en nanbisita so nen Maria nen Marta ja emandiwdiwa son si‐kara.

San Juan 12:3

Jet nontan, si Maria, engala ni poron danen emanseng‐ew ja kowan sha ey naldo, jet to insho‐jag shi sedi nen Jesus asan toka ponasi ni bowek to shorog, jet sota baley ya kawad‐an sha, enapno ni seng‐ew nonta dana. Sajay ya insho‐jag nen Maria shi sedi nen Jesus, epalit jet ẃara emoy midjen kilo ja insho‐jag to.

San Juan 17:3

Jet no meẃad‐an ma ira ni biyag ja enshiy to engintegan, si‐kato may amta‐an sha son si‐kam, ey si‐kam i podnon Shiyos ja enshiy eshom, tan si‐kato ngoy amta‐an sha son si‐kak, ey si‐kak si Jesucristo ja inbetkag mo alid ja dobong.

San Juan 4:14

Nem sota shanom ma naka pan‐i‐akan, si‐kato sota biyag ja enshiy to engintegan, jet sota on‐inom so, eg mowan messho, ono ma‐kew, ta ẃara ni olay son si‐kato, ja singa inges to sota temtem ja eg ma‐ma‐ti‐an.”

San Juan 5:24

Kinapodpodno iya ikowan ko son si‐kayo. Sota memati nonta ikowan ko tan memati son Amak ja engibetkag ali son si‐kak, si‐katoy eẃad‐an ni biyag ja enshiy to engintegan, jet eg to da‐kaman na meshosa, ta ẃara son si‐kato sota biyag ja edapo son Apo Shiyos.

San Juan 6:27

Aliẃa komen sota mekan i jo kamkamkaman, ta say mekan, ema‐bos. Isonga say kamkaman jo koma ja jo enapen, sota may‐eshig ey mekan ja mengi‐kan ni biyag ja enshiy to engintegan. Sajay ya mekan na naka pan‐ikowan, sota kowan sha ey Anak ni Too, si‐kato i mengi‐kan son si‐kayo. Say ka‐amta‐an to ey ẃaray in‐akan nen Apo Shiyos ja kanebengan kon mengi‐kan ket inpa‐sas to ey towakka kosto‐i.”

1 I-Korinto 13:3

Angken i‐akan kon emin i ẃara son si‐kak so ni nankebiteg, tan angken pay i‐onod kon mepoolan i bakdang ko, enshiy banag nontan na dingkak, no enshiy semek ko ni kait ko.

I-Galasia 5:6

Jet no memati kito son Cristo, say epateg bengat ja nemnemen tayo, sota pamati son si‐kato. Ta sotan na pamati, si‐katoy kedepo‐i ni semek. No sota maypangkep ni pengonod nonta bilin ni Hodiyos, enshiy to naykamitan shi pamati son Cristo.