San Lucas 10:34 - Dibshon Mengi-kan Ni Pansigshan

³⁴ Dimaw, to simbi et to inekasan sota ira sogat to ni danen edaokan ni adak, asan toka bedbeshi. Jet inpankabajo to nodta kabajo to et indaw to nodta baley ya shiẃesan et inajowanan tod man.

San Lucas 10:34 Iomraidhean Croise

San Marcos 14:8

Saja bii, dingka toy kabaalan ton dag‐en, ta saja dana ja insho‐jag to son si‐kak, singa toka pan‐isagana i kaybebka niya bakdang ko ali.

San Lucas 10:33

Nem idi nanshalan aliy sakey ya toon i‐Samaria nodtan, ja aliẃen kait nonta Hodiyos sa tinodisan sha, inon‐an to et naysemekan nodta too.

San Lucas 10:35

Idi eẃa‐ẃa, inbo‐day toy pilak to et in‐akan to nodta emanbantay nonta baley ya shiẃesan, ja kowan to ey, ‘Ajowanim iyay ya too et no on‐oli‐ak ali, manshedanak alid jay et bayshan taka no pigay kasto‐en mon para son si‐kato.’ ”

San Lucas 2:7

Jet say in‐anak to, daki, ja si‐katoy besag. Dinampinan to et inparokol tod panganan ni animal. Sinodngan to iyay tep enshiy mebedin na ka‐okipan sha nodta baley ya koston shiẃesan.

I-Roma 12:20

Jet say pesing jo, patiyo sota bilin nen Apo Shiyos ja naysolat nonta bayag da, ja kowan to ey, “No sota makakontra son si‐kam ket na‐agang, pakan mo. No na‐kew ni shanom, i‐aknim ni inomen to. Ta no sajay i dag‐en mo, mebebaingan et ondeshang.” Kowan to.

1 I-Tisalonika 5:15

Asas jo ta baka ẃaray kait jon manbibinales maypangkep ni ngaaw wa aramid. Say nemnemen jo koma, sota pansigshan ni kait jo, tan pansigshan ni emin na totoo.