San Lucas 10:33 - Dibshon Mengi-kan Ni Pansigshan

³³ Nem idi nanshalan aliy sakey ya toon i‐Samaria nodtan, ja aliẃen kait nonta Hodiyos sa tinodisan sha, inon‐an to et naysemekan nodta too.

San Lucas 10:33 Iomraidhean Croise

San Mateo 10:5

Sajay iren apostol to ja sampolo tan showa, inbetkag to ira, ja kowan to ey, “Karekayo ondaw shima angken towen kawad‐an ira nonta aliẃen kait tayon Hodiyos, ono shima angken towen ili ni i‐Samaria,

San Mateo 18:33

jet istay pekawanan mo koma ngo sota kait mon baga‐en ja engotang son si‐kam, ja inges to ngoy inpasing ko son si‐kam!’

San Lucas 10:32

Idi naksheng iyay, ẃara mowan i Hodiyos sa para tolong met laeng ni pari ja nanshalan nodtan, nem inges to met laeng i inpasing to. Idi inon‐an to sota toon tinodisan sha, nanshalan nodta naykilig.

San Lucas 10:34

Dimaw, to simbi et to inekasan sota ira sogat to ni danen edaokan ni adak, asan toka bedbeshi. Jet inpankabajo to nodta kabajo to et indaw to nodta baley ya shiẃesan et inajowanan tod man.

San Lucas 7:13

Idi inon‐an nen Apo Jesus sota bii, naysemekan et kowan to so nonta bii ey, “Kareka onnangis.”

San Juan 4:9

Sota bii, nasshaaw jet kowan to ey, “Ita et mangon kaka manbeka son si‐kak ni shanom ma inomen mo ket i‐Samaria‐ak, ey si‐kam, Hodiyos ka?” (Sajay i inkowan nonta biin i‐Samaria, ta say Hodiyos, ensekig shay i‐Samaria.)

San Juan 8:48

Jet idi intenengan nonta ira Hodiyos iyay ya inkowan nen Jesus, kowan sha ey, “Agpayso gayam sota kowan mi ey i‐Samaria ka ja makakontra son si‐kamin Hodiyos. Tan agpayso gayam sota kowan mi ey ẃara son si‐kam i dimonyo.”