Biblia Todo Logo
Bìoball air-loidhne

- Sanasan -




San Lucas 10:27 - Dibshon Mengi-kan Ni Pansigshan

27 Sota maistoron ememeshas son Jesus, simongbat ja kowan to ey, “Say kowan to, ‘Semek mos Apo Shiyos ja si‐katoy pengitoshongan mo ni emin na ẃara son si‐kam — emin na ẃared posom, emin na kedsang mo, tan emin na nemnem mo.’ Tan kowan to pay ey, ‘Semek moy kait mon too ja inges toy moka penmek so ni bakdang mo.’ ”

Faic an caibideil Dèan lethbhreac




San Lucas 10:27
15 Iomraidhean Croise  

Tan say bilin to pay, shayaw mos amam tan si inam, tan semek moy kait mo ja inges toy kasmek mo so ni bakdang mo.”


Simongbat si Jesus ja kowan to ey, “Ngarantoy naysolat nodta bilin nen Apo Shiyos nonta bayag da? Jet nganto mangoy moka pengodog?”


Eshakel iray bilin to jet sajay iray eshom: “Kareka memii, kareka memono, kareka mengibot, karam kamkaman i kokowa ni eshom.” Nem angken nganton bilin nen Apo Shiyos, sakey bengat i esa‐nopan ton esel; si‐kato iyay: “Semek moy kait mon too ja inges toy moka penmek ni bakdang mo.”


A‐akik shi pamati, say kabol la pinidi‐an shakejo so nen Apo Shiyos, say meẃedja‐an kayo, nem sajay ya ẃaya, aliẃen jo koma osalen shi pipiyan jon dag‐en ja ngaaw. No diket say pesing jo et mango, ipa‐sas joy semek jo ni sakey tan sakey son si‐kayo ni joka pantitinolong.


Jet say dag‐en ko ali so ni took ja poli nen Israel, sajay: No meksheng den ondabas iyay ya timpo, penemnem kon mismo ni olay shi sakey tan sakey son si‐kara i bilin ko, say eg sha ma dibdibkan; singa isolat ko nodta poso sha tan nemnem sha. Jet no onsabi ma iyay, si‐kak ma i Shiyos sha jet ajowanan ko ira; jet si‐kara ngo ma i took jet pati‐en sha‐ak.


Say mapteng nga dag‐en jo, sota pengonod ni bilin nen Apo Shiyos ja Kangeto‐an na toray. Say kowan ni esel to ja naysolat, kowan to ey, “Semek moy kait mon too ja inges toy moka penmek ni bakdang mo.”


Si‐kayon naka ikarin annak ko, say semek tayo koma shi kait tayo, aliẃen sota notnotnot ono esel bengat ja emedepod bongot, no diket mesepol la podnon semek ja ẃaray maykaasi shi eshom.


Lean sinn:

Sanasan


Sanasan