San Lucas 10:17 - Dibshon Mengi-kan Ni Pansigshan

¹⁷ Idi nay‐oli ira di, sota piton polo tan showen inbetkag nen Jesus, ireka man‐imdeng nga pasiya, ja kowan sha son Jesus ey, “Apo, angken sota ira dimonyo, shakamika pati‐a no osalen miy ngaran mo.”

San Lucas 10:17 Iomraidhean Croise

San Mateo 4:24

Isonga nontan, eshamag iyay shi intiron sakop ni Siria, jet indaw sha ali son si‐kato sota ekalkalasiy sakit sha, pati sota ira emankelshas tan sota eg makakeykey i bakdang sha. Tan angken pay sota ira eman‐engaw ja kawad‐an ni dimonyo. Jet si Jesus, inpamapteng to ira jay ya emin.

San Marcos 16:17

“Jet sota ira memati, mandeka ngo ira ni kaskasshaaw wa eẃatan so ni totoo ey podnoy shaka pan‐itoro. Say dag‐en shen kaskasshaaw, sajay: mengipebtik ira ni dimonyon pimeket shi totoo no i‐osal shay ngaran ko, man‐a‐sel ira ni eshakel la kalasin esel ja eg sha amta;

San Lucas 10:1

Idi naksheng iyay, si Apo Jesus, shinotokan toy piton polo tan showa so nonta ira too to, jet inbetkag to iren sanshedẃa ja en mengitosho shima emin na dogad ja kowan to ey daẃan to met laeng.

San Lucas 10:20

Nem aliẃen sota inpanagshag jo bengat ni dimonyo i pan‐imdengan jo. Nem say pan‐imdengan jo komen pasiya, sota inkaydista ni ngaran jod dangit.”

San Lucas 10:9

Pamapteng joy emansekit ta totoo nodtan na dogad, jet say ikowan jo so nonta ira totoo, ‘Sota pantoshayan nen Apo Shiyos, dimaw ali ma ja nay‐esop son si‐kayo.’

San Lucas 9:1

Si Jesus, sina‐nop to ira sota shinotokan ton sawal ni showen apostol to et inkowan to ey ondaw ira ja sha ikowan i maypangkep ni pantoshayan nen Apo Shiyos, tan pemapteng sha pay i sakit ira ni totoo. Jet kowan to pay son si‐kara ey, “Ipiyal ko son si‐kayo ey angken sama ira dimonyo ja pimeket shi totoo, mebedin na pebtik jo. Tan sota ira ẃaray sakit to, mebedin ngon pemapteng jo ira.

I-Roma 16:20

Jet no dag‐en jo iyay, si Apo Shiyos ja kedepo‐i ni talna, ipalobos ton ebaken jo shagos ira jay ya too nen Satanas, ja singa mebedin na ikatin jo ma ira. Jet say shawat ko son Apo Shiyos, sapay koma ta si Apo Jesucristo, kaasi‐an shakejo say amtayoy pesing jon onsongbat so iren ja apil i toro sha.

I-Ipiso 5:24

Nem mesepol met laeng ja si‐kayon bibii, pati‐en joy aseẃayon daki, ja inges toy kepemati ira nonta emati so nonta kowan nen Cristo.