San Lucas 1:80 - Dibshon Mengi-kan Ni Pansigshan

⁸⁰ Sota nga‐ngen si Juan, bima‐deg, tan enemneman. Idi ebadeg ma, nan‐iyan ni olay si Juan shima dogad ja naybetaw shi kad‐an ni too, ingkatod simabi sota akew wa pengitosho to nonta sigod ja inkowan nen Apo Shiyos ja itoro to nodta tood Israel.

San Lucas 1:80 Iomraidhean Croise

San Mateo 11:7

Idi dimaw da sota inbetkag nen Juan, inkowan ma nen Jesus so nonta ira totoo ey, “Nonta dimaw kayo so nen Juan shima dogad ja kad‐an ton nay‐araẃi shi ili, amtayo ey si‐kato ket para padto nen Apo Shiyos. Isonga dimaw kayod man ja en mengesas ni toon para padto nen Apo Shiyos, aliẃen say kayo mengesas ni toon ekapoy ja singa bolong ni edet ja enam‐ay ya iẃagas ni shagem. Aliẃa ngon say dinaẃan jod man ket say kayo mengesas ni toon nanbaro ni mapteng, ta say ka‐asan ira niyay ket shi siyodad ja engkakembaleg i baley sha. Dimaw kayon en mengesas ni para padto et siya, inon‐an joy toon engatngato pay nem say sota eshom ma para padto nen Apo Shiyos.

San Mateo 3:1

Nontan na timpon ẃares Jesus shi Nasarit, ẃaray toon emantosho shima sakop ni Jodia ja nay‐araẃi shi kad‐an ni totoo. Jet say awag sha so nontan na too, si Juan ja para bonjag.

San Lucas 1:15

Bigbigen ali nen Apo Shiyos si Juan ja eshayaw. Eg ali menginom ni adak, ono ngaranton memoteng. Ishalan ali ni Ispirito Santo nen Apo Shiyos ni olay manipod kay‐enak to.

San Lucas 2:40

Sota nga‐nga, bima‐deg, tan kimedsang. Enemneman ma, tep tinodongan nen Apo Shiyos.

San Lucas 2:52

Si Jesus, bima‐deg, makedsang, tan enemneman tep si Apo Shiyos, ẃara son si‐kato, jet eshakel i toon makapiyan son si‐kato.

San Juan 1:31

Jet angken si‐kak, istay ya ekak amta no sipay toshongen nonta naypadto nonta bayag da ey ondaw ali, nem say kawashak niman shiyay ja emengosal ni shanom ni naka pemonjag ket say amta‐an ni tood Israel nem sipa sota naypadton ondaw ali.

Inpaspasing 18:28

Sota ira Hodiyos shiman ja eg emati, eg sha posi‐en si Apolos ja songbatan. Angken shima sango‐an ira ni totoo, toka itoro ey si Jesus, si‐katoy tinoshong nonta padto nonta bayag da ey mengisedakan ja ibetkag ali nen Apo Shiyos. Jet say inosal nen Apolos ni olay ja engitosho, sota inpaisolat nen Apo Shiyos nonta bayag da.