San Lucas 1:6 - Dibshon Mengi-kan Ni Pansigshan

⁶ Sajay iren san‐aseẃa, mapteng i ogadira, ja shaka tongpalen emin i bilin nen Apo Shiyos.

San Lucas 1:6 Iomraidhean Croise

San Lucas 1:7

Nem enshiy anak sha tep basig si Elisabet. Eba‐kol ma si Elisabet tan edakay ngo ma si Sakarias.

San Lucas 16:15

Inkowan nen Jesus son si‐kara ey, “Si‐kayoy emengikokowan ey mapteng kayo et say i‐etek shakayo ni totoo. Nem si Apo Shiyos, amta toy ẃared nemnem jo, jet sota toon mengiredjaw ni bakdang to shorog, en‐oges nen Apo Shiyos ja ishemshemang.

San Lucas 2:25

Jet nontan, ẃaray tood man ja si Simeon i ngaran to ja nanbaley shi Jerusalem. Makedsang i pamati to son Apo Shiyos, tan eshayaw ey mapteng nga too. Jet toka sesseskera i ketongpal nonta kari nen Apo Shiyos ey ẃaray ibetkag ton mengisedakan ni tood Israel. Jet say Ispirito Santo nen Apo Shiyos, ẃara son si‐kato.

Inpaspasing 2:25

Si‐kato sota nantongpalan nonta padto nen Ari David nonta bayag da, ja kowan to ey, ‘Si Apo Shiyos, ẃara ni olay son si‐kak, ẃara ni olay shi apit ni kanawan ko, say ekak ontakot.

Inpaspasing 23:1

Jet si Pablo, diritson insi‐ning to ira sota toray jet kowan to son si‐kara ey, “Si‐kayon a‐akik, amta nen Apo Shiyos ey mapteng i ẃared nemnem ko ingkato niman; enshiy amtak ka basol kon kebistigalan kod jay.”

Inpaspasing 24:16

Isonga si‐kak, naka dag‐ay kabaalan ko ja no mebedin, enshi komay nak panbesolan son Apo Shiyos, kasta met so ni totoo.

Inpaspasing 8:21

Enshiy mo kaybiyangan, ono bingay mo, shi pamati mi, ta sota ẃared nemnem mo, aliẃen sota piyan nen Apo Shiyos.

I-Roma 8:4

Si Apo Shiyos, inbetkag to alis Cristo say kabaalan tayon menongpal nonta kowan ni bilin to. Jet siya, tayoka nemnema ma niman sota pengonod ni kowan ni Ispirito Santo nen Apo Shiyos, aliẃen sota sigod ja nemnem tayo nonta eg kito pay laeng emati.

1 I-Korinto 11:2

Ebadeg i naka pengiredjaw son si‐kayo, ta jowakka nemnemnema ni olay, jet angken pay sota intorok son si‐kayo, si‐katoy joka on‐onora.

2 I-Korinto 1:12

Marinel kami ey sotan i dag‐en jo tep mapteng ni olay i inpasing mi son si‐kayo. Saja nemnem mi, mika sigorado‐a ey say mika pekikadẃa shi emin na totoo, agdalo son si‐kayo, si Apo Shiyos i engitoshong son si‐kami. Isonga podno ni olay i pangkep mi. Jet sajay, aliẃen na nemnem min dag‐en, no diket kaasi nen Apo Shiyos. Jet sajay i mika pan‐imdengi.

I-Pilipos 2:15

say enshiy jo kebedawan, ono jo panbesolan. Ta si‐kayo, annak shakejo nen Apo Shiyos jet si‐kayoy mengileẃag ni podno so ira niya tood ja dobong ja ma‐owap tan poron makedsel. Si‐karay naydaokan jo et piyan kon eg kayo ma‐edinan.

I-Kolosas 1:22

nem niman, ta etey sota bakdang nonta Anak to shi koros, mapteng ma, tep in‐oli shakejo son si‐kato met laeng, jet niman, no onsango kayo son Apo Shiyos, say pengsas to son si‐kayo, enshiy ngaaw son si‐kayo, enshiy to bedawen son si‐kayo, mapteng kayo ma.

1 I-Tisalonika 3:13

Si‐katoy ontolong son si‐kayo, say eki‐det i nemnem jo et say eg kayo manbesol so nen Apo Shiyos ja Ametayo, ja kosto‐an tokejo, ingkatod idaw ali nen Jesus ja Apo tayo. Jet sajay alin idaw to, may‐odop ma son si‐kato sota emin na emati son si‐kato.

2 San Pedro 3:14

Isonga niman, ta kayoka mansessesked niyay ali, si‐kayon ensemek ko, dagejoy kabaalan jon mengonod nonta piyan to say enshiy kolang jo, ono kompormin jo kebedawan, no diket sota talna koma i ẃara son si‐kayo ni olay.

1 San Juan 2:29

Amtayo met ey si Apo Shiyos, poro mapteng i toka dagdag‐a. Isonga niman, say koskoston pengimatonan jo nonta ira annak nen Apo Shiyos, si‐kara sota kaon‐onod ni mapteng ja kowan nen Apo Shiyos.

1 San Juan 2:3

Niman, sajay i amta‐an tayo so no podnon amta tayo si Apo Shiyos. No tayoka pati‐a i bilin to, ẃara kito son si‐kato.

1 San Juan 3:7

Jet no kowan to ey angken mandeka ni ngaaw, ta naykari met laeng da so nen Apo Shiyos, karejo i‐onod, si‐kayon naka ikarin annak ko. Ta say kekosto‐i nen Apo Shiyos, sota inges tos Cristo ja emandeka ni olay ni mapteng.