San Lucas 1:59 - Dibshon Mengi-kan Ni Pansigshan

⁵⁹ Idi maykeẃalon akew nonta nga‐nga, dingkara sota ogadi ni Hodiyos ja shaka pesing ni dakin koyat. Sajay sota kowan sha ey kogit. Istay kowan sha ey Sakarias ngoy ingaran sha nonta nga‐nga say iboloy sha met laeng so nen tatang to.

San Lucas 1:59 Iomraidhean Croise

San Lucas 2:21

Idi edabas i ẃalon akew ni inkay‐anak nen Jesus, dingkara sota ogadi ni Hodiyos ja shaka pesing ni may‐enak ka daki, ja kowan sha ey kogit. Jet inpanngaran sha ni Jesus, tep nonta eg pay naydokon sota nga‐nga, inkowan nonta anghil ey Jesus i ingaran sha so nonta nga‐nga.

Inpaspasing 7:8

Si Apo Shiyos, in‐awat to ngo eshan so nen Abraham sota ogadi ja nayngadnan ey kogit. Sajay i penginemneman sha nonta ekitodagan nen Apo Shiyos son si‐kara. Jet si Abraham, kinokit to si Isaac ja anak to nonta ẃaray piton akew to ja nay‐anak. Jet si Isaac, potot to si Jacob, jet si Jacob, sampolo tan showay potot to, jet si‐karay makapoli son si‐katejon Hodiyos.

I-Pilipos 3:5

ta asdeg toy paras ko ni kina‐Hodiyos. Si‐kak, poli towak nen Benjamin ja mismon anak nen Israel, isonga say shalak, poron shala ni Hodiyos. Nonta maykeẃalon akew ko ni nay‐anak ko, kinokit sha‐ak, jet no sota maypangkep ni emin na pengonod ni dinteg min Hodiyos, inonod kon emin, ta sakeyak so nonta ira Parisiyo.