San Lucas 1:51 - Dibshon Mengi-kan Ni Pansigshan

⁵¹ Si Apo Shiyos, kaskasshaaw i obden toka dagdag‐a. Angken sota nga‐ngaaw wa plano ni toon etangsit, toka bediwi.

San Lucas 1:51 Iomraidhean Croise

I-Roma 1:21

Amta ni too ey ẃaray Shiyos, nem eg sha koston pati‐en, tan eg sha pay nemnemen i mapteng nga inpasing nen Apo Shiyos son si‐kara. Anongosto ma ey bimaki iren eg ira ma maka‐awat jet enshin polos i mapteng nga shaka nemnema.

2 I-Korinto 10:5

Say pangkep mi, ibaba mi sota kowan sha ey matekal, ono etangsit, ja eg makakoston mengamta so nen Apo Shiyos. Piyan min angken sipa, say nemnemen sha bengat, sota piyan nen Cristo, say si Cristoy pati‐en sha.

1 San Pedro 5:5

Si‐kayo ngon bedoleki, patiyo ni olay sota bilin ni pangolo, tan emin kayo, mesepol la meẃad‐an kayo ni pankombaba so ni sakey tan sakey son si‐kayo, aliẃen kayo ondastog. Nemnem jo sota naysolat nonta bayag da ja kowan to ey, “Eg kosto nen Apo Shiyos sota toon edastog, nem sota ira toon ekombaba, si‐kara et ngo mowan i toka i‐akni ni kaasi.” Kowan nonta naysolat.

Inpa-Amta Nen Jesucristo 18:8

Sotan den dastog to, san‐akew ja onsabi son si‐katoy digat et sajay iray digat ja dak‐aman to: sakit, daringit, bitil, jet mepoolan pay ni apoy. Ta si Apo Shiyos ja onshosa son si‐kato, si‐katoy kakedsangan.