San Lucas 1:32 - Dibshon Mengi-kan Ni Pansigshan

³² Meshedjaw ali, tan mayngadnan ja Anak nen Apo Shiyos sa Kangeto‐an. Jet si Apo Shiyos, pantoshay to ja inges toy inpantoray nen David ja apo to la.

San Lucas 1:32 Iomraidhean Croise

San Mateo 1:1

Si Jesucristo, poli nen David tan si Abraham. Nem ẃara pay iray eshom, jet sajay iray ngarangaran sha:

San Mateo 12:42

Say sakey mowan, sota arin bii ja edapod ma pesaw. Ondayat ali no timpon pengigsheng nen Apo Shiyos no sipay maysedakan jet ikowan to ey kenshat ta meshosa kayo. Tep si‐kato, edapod araẃin dogad ni indaw ton to itenengan i kalaing nen Ari Solomon ni toka pantosho. Jet niman, asas jo ta ẃared jay i engatngato ey say si Ari Solomon, jet eg jo mowan pinati.”

San Mateo 28:18

Jet si Jesus, imesop son si‐kara, jet kowan to ey, “Say inkowan nen Apo Shiyos, si‐kak i mengitoshay ni emin na ẃared dangit tan shiya dobong.

San Mateo 3:11

Jet kowan pay nen Juan ey, “Nem si‐kak, dimawak ali ja shanom i inpamonjag ko son si‐kayo, ni inpanbebawi jo, nem ẃaray ondaw alin maysa‐dat son si‐kak ja ebadbadeg i panakabalin to nem say si‐kak. Jet ekak pay maykeshi ja angken baga‐en to koma ja mengkal ni sapatos to. Sotan aliy onbonjag son si‐kayo ni Ispirito Santo nen Apo Shiyos, asan pay ya apoy.”

San Marcos 14:61

Nem si Jesus, imeg‐eket ja enshiy to insongbat. Jet sota kangeto‐an na pari, kowan to ma ey, “Ikowan mo ngo no si‐kam sota Anak nen Apo Shiyos ja emeshedshedjaw! Ikowan mo no si‐kam sota inkari to nonta bayag da ey ibetkag to alin mengisedakan!”

San Marcos 5:7

Si Jesus, kowan to ey, “Si‐kam ma dimonyo, ilekjas mo ita too!” Jet sota too, inkedsang toy keljaw to, ja kowan to ey, “Jesus! Si‐kam ma Anak nen Apo Shiyos ja Kangeto‐an! Ngantoy pesing mo ma son si‐kak? Pangaasim, karamak shosa‐en!”

San Lucas 1:15

Bigbigen ali nen Apo Shiyos si Juan ja eshayaw. Eg ali menginom ni adak, ono ngaranton memoteng. Ishalan ali ni Ispirito Santo nen Apo Shiyos ni olay manipod kay‐enak to.

San Lucas 1:35

Kowan nonta anghil ma ey, “Sota Ispirito Santo nen Apo Shiyos i maka‐amta. Sota panakabalin nen Apo Shiyos, ẃara di son si‐kam. Isonga sajay alin nga‐nga, esanto‐an ja enshiy to di panbesolan, jet maykowan ali ey Anak nen Apo Shiyos.

San Lucas 1:76

Si‐kam ma anak ko, no onba‐deg ka di, si‐kam ali sota ibetkag nen Apo Shiyos sa Kangeto‐an, ja mepangdon mengikowan nodta totoo ey mansekana ira ni imotok to.

San Lucas 3:16

Nem say kowan nen Juan son si‐kara, kowan to ey, “Nem si‐kak, dimawak ali ja shanom i inpamonjag ko son si‐kayo. Nem ẃaray ondaw alin maysa‐dat son si‐kak ja ebadbadeg i panakabalin to nem say si‐kak. Jet ekak pay maykeshi ja angken baga‐en to koma ja mengkal ni sapatos to. Jet sotan aliy onbonjag son si‐kayo ni Ispirito Santo nen Apo Shiyos, asan pay ya apoy.”

San Lucas 6:35

No ẃaray kowan to ey memodod son si‐kayo, pabodori jo ira, angken eg to i‐oli. Semek joy makakontra son si‐kayo, tan mapteng koma mangoy pesing jo son si‐kara. Ta no satan i pesing jo, joka pan‐ipa‐sas ey annak shakejo nen Apo Shiyos ja Kangeto‐an. Ebadeg i kon‐oren jon isobadit nen Apo Shiyos tep si Apo Shiyos, mapteng i toka pesing ni emin na too, angken sota eg man‐iyaman son si‐kato tan sota makedsel.

San Juan 12:34

Nem sota ira totoo, simongbat ira ja kowan sha ey, “Say intenengan mi met ja kowan ira ni dinteg ket sota naypadton mengisedakan ja ibetkag ali nen Apo Shiyos ket eg kono metmetey ingkatod ingka. Ngantoy pesing nita kowan mo ey maykedjang ka ja maydansa? Kowan mi nem si‐kam sota naypadton Anak ni Too! No aliẃen si‐kam, sipa ngarod ngay i kaytoshongan nonta naypadton ibetkag ali nen Apo Shiyos?”

San Juan 6:69

jet kamika memati son si‐kam, ta amta mi ey si‐kam sota shinotokan nen Apo Shiyos ja inbetkag to did ja dobong.”

Inpaspasing 16:17

Imon‐onod son si‐kami, jet inkelkeljaw to ey, “Sajay iren too, si Apo Shiyos ja Kangeto‐an i shaka pansilbi‐i, jet si‐karay mengikowan son si‐kayo ni pesing jon maysedakan!”

Inpaspasing 2:30

Isonga aliẃen si‐katon shorog i kaytoshongan nonta inpadto to, no diket inpadto to bengat. Amta to sota kari nen Apo Shiyos son si‐kato ja kowan to ey, ‘Wara aliy sakey so nonta polim ja panbedin kon ari ja inges mo jet si‐katoy on‐elbat so ni intorayan mo.’

Inpaspasing 2:36

“Isonga si‐kayon emin ja kait kon Hodiyos, mesepol la amta‐an jon pasiya ey si Jesus ja inpaidansayo shi koros, si‐kato sota inpanbalin nen Apo Shiyos ni Apo tayon emin! Si‐kato sota singsingked tayon inkari nen Apo Shiyos ey ibetkag to din mengisedakan!” Sajay i kowan nen Pedro.

Inpaspasing 7:48

Nem si Apo Shiyos ja Kangeto‐an, eg man‐iyan shi baley ya dingka ni too, jet angken sota para padto, inkowan sha iyay ya esel nen Apo Shiyos ey,

Inpa-Amta Nen Jesucristo 3:7

“Jet sajay ngoy isolat mo so nonta pangolo ni esa‐nop pa emati shi Piladilpia: ‘Iyay i kowan nen Cristo ja kawad‐an ni podno, tan mengitodoy ni toray nen Ari David da nonta bayag. Sota ipalobos ton onsekep shi pantoshayan to, idokatan to, nem no sota eg to koston onsekep, ibagatan to. Jet angken sipa, enshiy onpilit so no eg to ipalobos.