San Lucas 1:3 - Dibshon Mengi-kan Ni Pansigshan

³ Jet niman Teofilo, peshasen ko ngon isolat. Ninemnem ko ey mapteng emo nem si‐kak pay i sakey ya mengisodat tep inashal kon pasiyen emin sota edagdaga manipod nonta nanshogi‐an to ingkatod ka‐onoran. Isonga siningpet kon insolat iyay para son si‐kam,

San Lucas 1:3 Iomraidhean Croise

San Lucas 1:1

Iyay i isolat ko son si‐kam, agi Teofilo: Eshakel day engipeshas ni kabaalan shen mengisodat ni edagdaga nonta timpon emekibibiyag pay laeng si Apo Jesus son si‐katejo,

Inpaspasing 1:1

Agi Teopilo, sota epangdon dibshok, insolat koy emin na dingka nen Jesus tan intoro to,

Inpaspasing 11:4

Nem si Pedro, siningpet ton inistoriya son si‐kara sota epasemak son si‐kato, ja kowan to ey,

Inpaspasing 15:19

isonga, say kowan ko, aliẃen tayo ipilit i piyan tayo so nonta ira toon aliẃen Hodiyos ja emati, ono so nonta ira memati ali son Apo Shiyos.

Inpaspasing 15:25

Isonga si‐kamin esa‐nop shiyay, ninemnem mi ey mapteng no memidi kami ni ibetkag mi son si‐kayo, ja meki‐odop son Bernabe nen Pablo ja epateg ga a‐aki tayod pamati.

Inpaspasing 15:28

Nantatabalan mi sota inba‐ngat nonta edapod jay den inkowan jet singa mapteng so ni Ispirito Santo nen Apo Shiyos, tan kasta met son si‐kami, ey enshiy eshom ma mi ibilin son si‐kayo nem eg saja epateg bengat; eg mikejo piditen na mengonod ni ogadi min emin.

Inpaspasing 18:23

Jet idi ẃaray pigen akew tod man, indekjas to mowan ira sota ematid Antiok, jet dimaw shi Galasia asan shi Prigia. Inekad ton emin i sakop iren jay ya dogad, ja to intod‐an ira sota ematid man, say onkedsang i pamatira.

Inpaspasing 23:26

“Si‐kak si Claudio Lisias ja makasolat niyay, jet sajay ya solat, ondaw so nen si‐kam, Gobinarol Felix, ja emayshedshedjaw wa gobinarol. Sapay koma ta mapteng i kasesaad mo niman.

Inpaspasing 24:3

Jet kabol niyay ya banag ja dingkam, si‐kamin emin ja intorayan mo, kamika man‐iyaman na pasiya son si‐kam.

Inpaspasing 26:25

Nem si Pablo, simongbat ja kowan to ey, “Aliẃen naka man‐engaw, Apo Gobinarol Pisto. Saja naka pan‐ikowan, podno, enshiy solok to.

1 I-Korinto 16:12

No si Apolos ja agi tayod pamati, inkowan kon pasiya son si‐kato ey may‐odop so nonta mengidaw niyay ya solat ko son si‐kayo. Nem say kowan to, kenshat ta aliẃen niman i timpon idaw tod tan. Asan nem ẃaray ẃaya to kono.

1 I-Korinto 7:40

Nem no si‐kak, say kowan ko, no sotan na biin ebalo ket, on‐onong ja eg mowan meki‐esawa, pansigshan to. Jet amtak ey sajay ya inkowan ko, intorong towak ni Ispirito Santo nen Apo Shiyos.

1 Timoteo 4:6

No sajay i ibilin mo so nonta ira a‐aki shi pamati, mapteng i moka pansilbi so nen Cristo Jesus et ipa‐sas mo pay ey amtam i esel nen Apo Shiyos maypangkep ni pamati son Cristo, tan sota mapteng nga toro ja inonod mo shorog.