San Lucas 1:29 - Dibshon Mengi-kan Ni Pansigshan

²⁹ Eg amta nen Maria i pesing to nonta intenengan to sota inkowan ni anghil, tan toka en‐enapa nem ngarantoy olog nonta inkowan nonta anghil.

San Lucas 1:29 Iomraidhean Croise

San Mateo 16:7

Nem sota ira too nen Jesus, ireka mansosongbat ni abos ja kowan sha ey, “Dinibkan tayo eshan ja engita‐jon ni balon tayon tinapay.”

San Lucas 1:12

Idi inon‐an nen Sakarias sota anghil, eg to tongolan i pesing to, ta timakot.

San Lucas 1:28

Si Gabriel, dimaw son Maria et to inkowan ey, “Pan‐imdeng ka Maria, ta say ebadeg ga semek nen Apo Shiyos, ẃara son si‐kam.”

San Lucas 1:66

Emin ira sota engitneng, kowan sha ey ẃares Apo Shiyos so nonta nga‐nga. Jet kowan sha ey, “Ngaranto emoy panbedinan ali niyay ya nga‐nga?”

San Lucas 2:19

Nem si Maria, eg to dibkan iyay ya epalabas, no diket ninemnemnem to ni olay.

San Lucas 2:51

Jet si Jesus, ekidaw son si‐kara ja imakad shi Nasarit, ja toka pati‐en emin i kowan sha son si‐kato. Si ineto, emin iyay ya banag, toka nemnemnema shi poso to.

Inpaspasing 10:17

Jet si Pedro, toka nemnemnemen pasiya iyay ya inon‐an ton inpa‐sas nen Apo Shiyos, ta eg to amta no ngarantoy olog to. Jet nontan ngo, sota ira toon inbetkag nen Cornelio, simpol sha sota baley nen Simon ja kad‐an nen Pedro, jet ireka mansessesked nodta pasbol.

Inpaspasing 10:4

Si Cornelio, mimorag ni takot to so nonta anghil, ja kowan to ey, “Apo, ngantoy ikowan mo son si‐kak?” Jet sota anghil, simongbat ja kowan to ey, “Si Apo Shiyos, intenengan toy shawat mo, tan amta toy mapteng nga tolong mo so nonta ira maligdigat. Isonga ninemnem toka.