San Lucas 1:17 - Dibshon Mengi-kan Ni Pansigshan

¹⁷ Wara son si‐kato i Ispirito Santo nen Apo Shiyos ja inges tos Elias ja para padto nonta bayag da, jet say kabedinan nen Elias, inges to ngo son si‐kato. Si‐kato nin i mepangdon mantosho shi Israel, asan kamotok sota naypadto nonta bayag da ja ibetkag ali nen Apo Shiyos ja mengisedakan. Si‐kato diy mengi‐odi ni semek ni san‐a‐ama ja eg man‐inawatan. Si‐kato diy memanshaan ni toon eg memati son Apo Shiyos, say nemnemen sha mowan i kosto, say mansekana i totoo ni imotok ali nen Apo.” Kowan nonta anghil.

San Lucas 1:17 Iomraidhean Croise

San Mateo 11:14

Awatiyo koma iya naka pan‐ikowan, ey si Juan, si‐katoy tongpal nonta padto nonta bayag da ey si Elias, ja para padto nen Apo Shiyos nonta bayag da, ondaw mowan ali.

San Mateo 3:3

Saja si Juan, si‐katoy kaytoshongan nonta padto nen Isaias nonta bayag da ja kowan to ey ẃara aliy toon ikeljaw toy esel to shima dogad ja nay‐araẃi shi kad‐an ni totoo, ja ikowan to ey, “Pansagana kayo ta shanshani ma aliy imotok nen Apo! Singpet joy shalan na pan‐akshan to!”

San Mateo 3:4

Say baro nen Juan, nagshengan: sota na‐abel la bowek ni animal ja kowan sha ey camel i toka osala bengat, ja ebalkesan ni kolti. Jet nagshengan ngoy toka kena, ja shoron tan shanom ni dinowan.

San Lucas 1:16

Eshakel aliy tood Israel ja pan‐odi ton memati son Apo Shiyos.

San Lucas 1:76

Si‐kam ma anak ko, no onba‐deg ka di, si‐kam ali sota ibetkag nen Apo Shiyos sa Kangeto‐an, ja mepangdon mengikowan nodta totoo ey mansekana ira ni imotok to.

San Juan 1:13

Say itsora ni kaybidangan ni totoo ey annak nen Apo Shiyos ket kabol nonta panakabalin nen Apo Shiyos; aliẃen inges toy itsora ni kay‐enak ni too so ni maka‐anak so, tep say too, ẃaray nemnem sha ey man‐enak koma ira, tan sakey pay, shaka i‐onod i dekna ni bakdang sha; isonga sotan i kabol la kay‐enaki ni too.

San Juan 1:34

Jet sajay ya naka pan‐ikowan na inon‐an ko, sajay sota Anak nen Apo Shiyos.” Kowan nen Juan.

San Juan 3:28

Intenengan jon mismo i inkowan ko, ey si‐kak ket aliẃen si‐kak sota inbetkag ali nen Apo Shiyos ja mengisedakan, no diket si‐kak, epangdo‐ak bengat ali ja en mengikowan ni totoo say mesekana iren memati son si‐kato.

Inpaspasing 10:33

Isonga engibetkagak den shagos ni en mengodop son si‐kam, jet mapteng nga pasiya i dingkam, ta dimaw ka di, jet niman, iyay kamin emin, jet amta nen Apo Shiyos ey kamika emansessesked ja mengitneng nonta ikowan mo son si‐kami ja bilin nen Apo Shiyos.” Kowan nen Cornelio.

I-Roma 9:23

say sota eshom ma too, ja insagana ton sigod ja mayda‐kam son si‐kato met laeng shi dangit, amta‐an sha ey ebadeg i kaasi to.

I-Kolosas 1:12

Jet kowan mi pay jey amta‐an jo komen man‐iyaman ni olay son Apo Shiyos, ja Ametayo, ta inkowan to met ey kitoka maykeshi ja mayda‐kam so nonta mapteng nga ẃara son si‐kato ja i‐akan tod dangit so nonta ira memati son si‐kato. Pan‐iyaman kayo son si‐kato,

2 Timoteo 2:21

Sajay i kay‐eshigan ni si‐katen emati. Isonga sota toon ngaaw to ma jen manbesol, si‐kato sota may‐eshig ey pingkan na epateg so nonta makakokowa so. Anam ton sota makapingkan na mismoy mengosal so, ta esagana ja ma‐osal shi emin na mapteng nga pangkep.

1 San Pedro 2:9

Nem si‐kayo, pinidi shakejo nen Apo Shiyos ja manbedin ni too to, tan si‐kayo pay i pinidi ton may‐eshig ey singa parin mansilbi son si‐kato ja Ari tayo. Isonga si‐kayoy indasin ton too to tep piyan ton si‐kayoy mengipa‐amta so ni eshom ni kaskasshaaw wa inpasing to son si‐kayo, ta nontan, singa ẃara kayod embolinget nem dineẃagan toy nemnem jo.

1 San Juan 2:28

Niman si‐kayon naka ikarin annak ko, mesepol la si Cristoy pengipilmi‐an jo so ni nemnem jo, say no onsabi ali sota timpo ja imotok to, eg kito mebebaingan ja singa onkesen shi sango‐an to.

Inpa-Amta Nen Jesucristo 20:4

Jet ẃara iray inon‐an kon tongawan, jet say timongaw nodtan, si‐karay epiyal ja mantoshay. Jet inon‐an ko pay i dinaẃa ira nonta ebono shi dobong maypangkep nonta inpangitoro sha nonta maypangkep son Jesus, tan sota inpangikowan sha nonta esel nen Apo Shiyos. Sajay ira sota eg nanshayaw so nonta Animal, ono eg nanshayaw so nonta kabakbakdang nonta Animal ja inemag. Tan sajay ira sota eg timolok ja memalka‐an i temok sha, ono takday sha nonta malka ni Animal. Nem angken ebono ira, nanbiyag met laeng ira jay et ekitoshay ira so nen Cristo ni sandibon tawen.