San Lucas 1:1 - Dibshon Mengi-kan Ni Pansigshan

¹ Iyay i isolat ko son si‐kam, agi Teofilo: Eshakel day engipeshas ni kabaalan shen mengisodat ni edagdaga nonta timpon emekibibiyag pay laeng si Apo Jesus son si‐katejo,

San Lucas 1:1 Iomraidhean Croise

San Marcos 16:20

Jet sota ira toon inbilinan to so nonta inkowan to la, nansisi‐jan ira, ja sha intoro shi emin na dogad sota maypangkep son Jesus. Jet eki‐obda ngo si Jesus son si‐kara, isonga nayki‐det sota intoro shen esel nen Jesus, tep in‐aknan to pay ira ni panakabalin shen mandeka ni milagro. Siya, satan da.

San Juan 20:31

Nem saja insolat kod jay ya dibsho, insolat ko say memati kayo ey si Jesus ket si‐kato sota naypadton mengisedakan ja ibetkag ali nen Apo Shiyos, tan say memati kayo ey si‐kato sota Anak nen Apo Shiyos. Jet say sakey pay ja insolatan ko so niyay, say no memati kayo, meẃad‐an kayo ni biyag ja enshiy to engintegan.

I-Roma 14:5

Jet say sakey pay, sota eshom ma too, ẃaray akew wa shaka ngidina; nem ẃara ngoy eshom ma too ja say ẃared nemnem sha, kowan sha ey emin na akew, nan‐i‐inges. No manngidin man ono enshi, iso met laeng, ta sota toon ẃaray akew ja toka ngidina, sota kayshedjawan nen Apo Jesus i ẃared nemnem to. Jet sota toon eg manngidin, ja emengan ni angken nganto, iso met laeng ja kayshedjawan kono nen Apo Jesus i ẃared nemnem to, ta eman‐iyaman met laeng son Apo Shiyos nonta toka kena. Jet sajay ngoy nemnem nonta eg mengan ni angken nganto. Nan‐inges iren showa ja mapteng, nem say kowan ko son si‐kayon emin, nemnem jo nin no ngarantoy koston pesing jo, no manngidin kayo ono enshi.

I-Roma 4:21

Ta ebadeg i namnama to ey sota kari nen Apo Shiyos son si‐kato, kabaalan ton dag‐en.

I-Kolosas 2:2

Ta say piyan ko, onkedsang i nemnem jo ja manseksekey ya meẃad‐an ni ebadeg ga semek so ni sakey tan sakey son si‐kayo. Jet piyan ko pay ya amta‐an joy maypangkep son Cristo, ta si‐katoy piyan nen Apo Shiyos ja ipa‐amta, say si‐katoy panshindan jon pasiya.

I-Kolosas 4:12

Jet si Ipapras, ja kaidiyan jo met laeng, inkowan to ngoy semek to son si‐kayo. Sajay ya si Ipapras, emansilbi met laeng son Jesucristo. Kanayon ja toka ishawshawat son Apo Shiyos i panmaptengan jo. Toka ishawshawat son Apo Shiyos ey aknan shakejo koma ni kedsang ni pamatiyo, tan ipa‐amta to pay koma son si‐kayo sota piyan ton dag‐en jo, say enshiy showashowa jo.

1 I-Tisalonika 1:5

Amta mi, ta sota inpangikowan mi son si‐kayo nonta mapteng nga shamag maypangkep so nen Jesucristo, aliẃen na mismon si‐kami i edapo‐an nontan na esel, no diket inatngan shakami ni Ispirito Santo nen Apo Shiyos. Isonga ẃaray kedsang nonta inkowan mi, jet si‐katoy engi‐kan ni enigorado‐an jo ey podno. Inon‐an jo met i mapteng nga ogadi mi nonta inpaki‐iyan mi son si‐kayo. Jet sotan i ninemnem min dag‐en say ẃaray onoran jo.

1 Timoteo 3:16

Mapteng noman nga agpayso i pamati ja inpa‐amta nen Apo Shiyos son si‐katejo pangkep so nen Cristo Jesus, ta si Jesus nontan, nay‐anak shi too et tinongpal ton emin sota inpangitorong ni Ispirito Santo nen Apo Shiyos son si‐kato, jet inon‐an ira ni anghil. Jet niman, emankaitoron emin i maypangkep son si‐kato shi emin na sakop ni dobong, jet eshakel iray emati. Jet nay‐oli ja dimaw shi dangit ja kad‐an nen Apo Shiyos.

2 Timoteo 4:17

Nem eg towak met laeng binaybay‐an nen Apo Jesus nonta indekjas sha‐ak so nonta eshom, no diket tinodongan towak, jet in‐aknan towak pay ni kedsang ko ja mengipedawag ni maypangkep son si‐kato, say itenengan nonta ira totoo ja aliẃen Hodiyos. Sota ira makakontra son si‐kak ket istay piyan shen bono‐en sha‐ak, nem insalakan towak nen Apo Shiyos.

Hodiyos 10:22

Isonga niman ma, manshinel kito komen on‐esop so nen Apo Shiyos, ta singa edinisan i nemnem tayo et mapteng ma, jet singa na‐odsan kito pay ni inpanbonjag tayo. Isonga niman ma, no on‐esop kito son Apo Shiyos ja manshedjaw son si‐kato, enshi koma i showashowa tayo, ja makedsang tan podno i pamati tayo son si‐kato.

Hodiyos 6:11

Jet say piyan min dag‐en jo, emin kayo koma ket itodoy jon man‐edisto ni olay, ingkatod onsabi ali sota joka segsegsha ja panmaptengan jon tongpalen ali nen Apo Shiyos shi ka‐onoran.