San Juan 9:5 - Dibshon Mengi-kan Ni Pansigshan

⁵ Niman ta ẃara‐ak pay laeng shiya dobong, si‐kak i may‐eshig ey silew wa ondawag so ni nemnem ni tood ja dobong.”

San Juan 9:5 Iomraidhean Croise

San Mateo 4:16

jet shiman, sota ira too ja may‐eshig ey edabi‐an ja imekok shima embolinget ta shalan, singa ẃaray on‐an sha alin maniyal la silew ja menidew son si‐kara. Jet angken sota ira toon patey i istay toshongen sha, singa eẃa‐ẃa‐an ira.”

San Mateo 5:14

“May‐eshig ey singa si‐kayo sota silew ja ondawag niya dobong. Jet sota ili ja naypa‐tok shima shontog, eg mebedin na mesa‐dinan, ema‐sas ni olay i itsora to.

San Lucas 2:32

Si‐katoy may‐eshig ga silew ja ondawag ni toon eg maka‐amta son si‐kam Apo Shiyos, tan si‐katoy mengi‐kan ni kayshedjawan ni toom ja Israel.” Sajay i iyaman nen Simeon.

San Juan 12:46

Dimawak alid jay ya may‐eshig ey silew ni tood ja dobong, say medeẃagan i nemnem sha. Jet sota ira memati son si‐kak, may‐eshig ey enshi ma ira shi embolinget.

San Juan 8:12

Si Jesus, intoloy ton nantoro so nonta ira totoo ja kowan to ey, “Si‐kak i silew wa ondawag so ni nemnem ni tood ja dobong. Sota memati ja on‐onod son si‐kak, may‐eshig ey enshi ired embolinget, ta edawagan may nemnem sha; isonga ẃaray biyag son si‐kara.”

Inpaspasing 13:47

Ta ẃaray inbilin nen Apo Shiyos son si‐kami, ja kowan to ey, ‘Si‐kam i pedaw ko so nonta ira toon aliẃen Hodiyos, jet si‐kam i may‐eshig ga silew ja ondawag son si‐kara, say amta‐an ni emin na totoo shiya ka‐ili‐ili ja sakop ni dobong i pesing shen maysedakan.’ ”

Inpaspasing 26:18

Ibetkag taka so ni aliẃen Hodiyos say maynemneman ira ja amta‐en sha ey ẃara ired embolinget jet say ontorong ira shi dawag, say maysi‐jan ira nodta toray nen Satanas jet si Apo Shiyos may toshongen sha. Jet no memati ira son si‐kak, mepekawanan may basol sha, tan mayda‐kam ira ja mekiteẃid so nonta ira toon pinidi nen Apo Shiyos ja too to.’ Sajay i inkowan nen Apo Jesus son si‐kak.

I-Ipiso 5:14

Sajay i kaytoshongan nonta kowan to ey, “Si‐kam ma may‐eshig ey na‐ogip, bangon ka, panpawil ka did patey, jet si Cristo, deẃagan toka.”

Inpa-Amta Nen Jesucristo 21:23

Jet sotan na siyodad, eg to mesepol i sekit ono bolan na onsilew so, ta si Apo Shiyos ja emenenili tan sota Kalniro, si‐karay onsilew so nontan na siyodad.