San Juan 9:34 - Dibshon Mengi-kan Ni Pansigshan

³⁴ Jet sota ira pangolo ni Hodiyos, kowan sha ey, “Sesi‐kam, kowan mo ey tod‐an mokamin maka‐amta ni dinteg, ey inba‐deg may basol!” Idi enaksheng iyay ya inkowan sha, ingkal sha nodta sa‐nopan ja kowan sha ey eg ma mekisa‐sa‐nop.

San Juan 9:34 Iomraidhean Croise

San Lucas 11:45

Sota sakey ya maistoro ni dinteg ni Hodiyos, kowan to son Jesus ey, “Maistoro, idi inkowan mo iyay, singa inda‐kam mokamin maistoro ni dinteg et ebebaingan kami ngo!”

San Lucas 14:11

Sota mengingeto shorog ni bakdang to, maybeba et ngo mowan. Jet sota mengibeba ni bakdang to, si‐katoy mayngeto.”

San Lucas 18:17

Podno iya ikowan ko son si‐kayo. No eg kayo mengeẃat ni pantoshayan nen Apo Shiyos ja inges toy kepengeẃat ni a‐anak, eg kayo mayda‐kam ja onsekep shi pantoshayan nen Apo Shiyos.” Kowan nen Jesus.

San Lucas 6:22

Mebindisiyonan kayo no okesen shakejo ono eg sha ikarin kait shakejo, ono bebaingan shakejo, ono ikowan sha ey ngaaw kayo tep too takejo.

San Juan 6:37

Sota ira i‐awat nen Amak son si‐kak, si‐karay memati son si‐kak, jet sajay ira ja ondaw ali son si‐kak, man‐imdengak ja mengeẃat son si‐kara.

San Juan 8:41

Si‐kayo, say joka dagdag‐a, inges to sota ngaaw wa aramid nen amejo.” Jet sota ira Hodiyos, bimonget ira ja kowan sha ey, “Singa moka pan‐ikowan ey aliẃen si Abraham i makapoli son si‐kami, ja inges mi sota totoon eshakel i shiyos sha. Nem ayshi! Say kina‐agpayso to, saksakey i Amemi, ja si Apo Shiyos bengat!”

San Juan 9:2

Jet sota ira too nen Jesus, kowan sha son si‐kato ey, “Maistoro, nganto ngatay ekoraban niyay ya too? Sigosho ẃaray basol to, ono basol ni maka‐anak son si‐kato?”

San Juan 9:22

(Sajay i insongbat sha, ta entakot ira so nonta pangolo ni Hodiyos, ta say nantotodagan ira nonta pangolo ni Hodiyos, kowan sha ey no sipay too ja mengikowan ey si Jesus sota naypadton mengisedakan ja ibetkag ali nen Apo Shiyos, a‐kalen sha shima sa‐nopan ira ni Hodiyos ja eg ma mebedin na mekisa‐sa‐nop son si‐kara.

San Juan 9:35

Idi shinemag nen Jesus ey ingkal sha nodta sa‐nopan sota toon istay ekorab, dimaw, ja to simbi jet to inbag‐an ja kowan to ey, “Agpayson kaka memati nonta naypadton Anak ni Too?”

San Juan 9:40

Sota ira Parisiyo ja nay‐esop son Jesus, intenengan sha iyay ya inkowan to, jet kowan sha ey, “Say piyan mon a‐seden, angken si‐kami, ekorab kami?”

I-Galasia 2:15

Si‐kami, nay‐anak kamin Hodiyos, aliẃen inges mi ira sota toon aliẃen Hodiyos ja enshiy Shiyos sha.

I-Ipiso 2:3

Jet angken si‐katejo nonta eg kito pay laeng nin emati, inges tayoy itsora shen ngaaw. No ngantoy piyan tayo, ono nemnemen tayo, si‐katoy dag‐en tayo. Sajay ya ogadin ngaaw, si‐katoy kabol la istay shosa‐an shakito so nen Apo Shiyos, ja inges toy shosa‐an to so ni eshom.

1 San Pedro 5:5

Si‐kayo ngon bedoleki, patiyo ni olay sota bilin ni pangolo, tan emin kayo, mesepol la meẃad‐an kayo ni pankombaba so ni sakey tan sakey son si‐kayo, aliẃen kayo ondastog. Nemnem jo sota naysolat nonta bayag da ja kowan to ey, “Eg kosto nen Apo Shiyos sota toon edastog, nem sota ira toon ekombaba, si‐kara et ngo mowan i toka i‐akni ni kaasi.” Kowan nonta naysolat.

3 San Juan 1:10

Isonga no ondawak da, ẃaray ikowan ko son si‐kayo maypangkep ni inpasing nen Diotripis son si‐kak. Epaladoy inpangi‐is‐istoriya to maypangkep son si‐kak. Nem aliẃen sajay bengat pay i aramid to: eg to pay sintilen no ẃaray onmotok shita kad‐an jo ja agi tayod pamati, tan toka iparit pay i eshom ja menintil son si‐kara. Sota ira menintil, toka pay pan‐a‐kala; eg to itolok ja mekisa‐nop ira nodta kait ta emati son Cristo.

3 San Juan 1:9

Waray solat ko so nonta ira kait mod tan ja ememati met laeng son Cristo, nem si Diotripis, eg to pag‐an‐ano i kowan mi, endedamsis to. Say piyan to, ampet ta si‐katoy ma‐onoran.

Inpa-Amta Nen Jesucristo 13:17

Jet inkowan to ey angken sipa, eg makatongkal ono eg makadako, no enshiy malka to. Say naymalka, sota ngaran nonta pilmiron Animal, nem domiro i inosal ton ka‐amta‐an ni ngaran to.