San Juan 9:29 - Dibshon Mengi-kan Ni Pansigshan

²⁹ Ta amta mi ey si Moises, tinabtabal nen Apo Shiyos, nem eg mi pay amta no toway edapo‐an nita kowan mo ey enolong son si‐kam!”

San Juan 9:29 Iomraidhean Croise

San Mateo 12:24

Nem idi intenengan ira nonta Parisiyo sota kowan ira nonta totoo, dinamsis sha, ja kowan sha ey, “Say pan‐osala niyay ya too ja mengipebtik ni dimonyon pimeket shi totoo, sota apo met laeng ni dimonyo ja si Bilsibol.”

San Mateo 26:61

jet kowan sha ey, “Sajay ya too, kowan to ey mebedin ton sheshalen kono ima Timplo nen Apo Shiyos jet i‐oli to kono mowan na dag‐en ni tedon akew.”

San Lucas 23:2

jet insodsod sha son Pilato sota kowan sha ey basol nen Jesus, ja kowan sha ey, “Sinokalan mi iyay ya too, ja toka pan‐eẃisen emin i too mi ey angken eg ira manbedjad ni bowis so ni gobirnoyod Roma, tan kowan to pay ey si‐kato sota arin inbetkag ali nen Apo Shiyos ja mengisedakan kono son si‐kamin Hodiyos.”

San Juan 1:17

Siya, si‐kato si Jesucristo et inpawasha toy semek shiya dobong. Jet si Moises ngo nonta bayag da, inpawasha to sota sigod ja bilin nen Apo Shiyos, nem si Jesucristo i engitosho ni podnon olog nontan na bilin.

San Juan 7:27

Nem say naypadto met ket sota toon ibetkag ali nen Apo Shiyos, angken sipa, enshiy maka‐amta ni kedepo‐an to. Nem sajay ya too, amta tayo met i edapo‐an to.”

San Juan 7:28

Isonga si Jesus, nonta ẃared ma Timplo ja emantosho, inkedsang toy esel to ja kowan to ey, “Say kowan jo, amtayowak, tan amtayoy edapo‐an ko. Nem aliẃen nemnem koy dinaẃan ko did jay, no diket ẃaray engibetkag son si‐kak, ja si Apo Shiyos ja kedepo‐i ni podno. Jet eg jo amtes Apo Shiyos.

San Juan 8:14

Sinongbatan ira nen Jesus, ja kowan to ey, “Angken bilang ey say naka pan‐ikowan ket sota maypangkep met laeng son si‐kak, saja inkowan ko, agpayso, ta amtak i edapo‐an ko, tan daẃan ko. Nem si‐kayo, eg jo amtay edapo‐an ko, ono daẃan ko.

San Juan 9:16

Jet sota ira eshom ma Parisiyo, kowan sha ey, “Sotan na too, aliẃen si Apo Shiyos i edapo‐an to, ta no si Apo Shiyos komay edapo‐an to, apay nga eg to met onoren sota kowan ni dinteg tayo, pangkep ni akew ni ngilin?” Nem sota ira eshom ma Parisiyo, kowan sha ey, “Enshi. Sota ngaaw wa too, eg mebedin na todongan nen Apo Shiyos sa dag‐en toy kaskasshaaw, ja inges niya dingka niyay ya too.” Nontan ma, sajay iren too, nanshowa ira ja eg man‐inawatan.

San Juan 9:24

Jet sota ira Parisiyo, inpa‐odop sha mowan sota toon istay ekorab, jet kowan sha son si‐kato ey, “Si Apo Shiyos komay pan‐iyamanan mo ni maypangkep nita edaga son si‐kam, aliẃen sota toon kowan mo ey enolong son si‐kam. Ta amta mi ey sajay ya too ket mabesol.”

San Juan 9:30

Jet sota toon istay ekorab, simongbat ja kowan to ey, “Kaskasshaaw itan na kowan jo! Sotan na too, inpan‐asas towak, nem say kowan jo, eg jo pati‐en ey si Apo Shiyos i edapo‐an to.

Inpaspasing 22:22

Sota ira totoo, siningpet shen nanteneng nin nonta kowan nen Pablo. Nem idi intenengan shay kowan nen Pablo ey piyan nen Apo Shiyos ja maytod‐an ngoy toon aliẃen Hodiyos, kimeljaw ma ira, ja kowan sha ey, “Bono jo itan na too! Enshiy kenkenshat ton manbibiyag shiya dobong!”

Inpaspasing 26:22

Nem si Apo Shiyos i timolong son si‐kak nontan jet kaontolong pay ingkato niman. Isonga ẃara‐ak shiyay niman ja emengikowan niyay son si‐kayon nankengato tan angken pay so ni nankebaba. Jet enshiy eshom ma naka pan‐ikowan, nem eg sota inkowan met laeng ira da nonta para padto nonta bayag da ja naysolat, tan sota kowan nen Moises, ja kowan sha ey ẃara aliy ibetkag nen Apo Shiyos ja mengisedakan, jet sotan na mengisedakan, kowan sha ey kenshat ta manda‐kam ni digat asan ma matey, nem si‐katoy pilmiro ja manbiyag so nonta ira nanketey. Jet say kowan sha pay, tan angken si‐kak, sotan na mengisedakan ja si Jesus, si‐kato met laeng i ondawag ni nemnem ira nonta toon Hodiyos tan toon aliẃen Hodiyos.”

Inpaspasing 7:35

“Nonta eg pay laeng namtik si Moises shi Egypt, eg ineẃat ni kait ton i‐Israel ja inkowan sha nontan son si‐kato ey, ‘Sipay engikowan ey si‐kam i mengitoshay son si‐kami tan mengigsheng ni maypangkep son si‐kami?’ Nem si Apo Shiyos, si‐katoy engibetkag son si‐kato ja mengitoshay tan mengisedakan son si‐kara shi anongosto met laeng, isonga sota anghil ja inon‐an tod apoy nonta nan‐esel si Apo Shiyos, si‐katoy timolong son Moises,

Hodiyos 1:1

Nonta bayag da, si Apo Shiyos, eminshakel la ẃaray inpa‐amta to so nonta ira ap‐apo tayo da, jet sota ira para padto i inosal ton engipa‐amta. Ekalkalasiy inpasing ton engipa‐amta so nonta ira apo tayo da,

Hodiyos 1:2

nem niman ma, simabi sota koston timpo, isonga ẃaray inpa‐amta to son si‐katejo ngo jet sota Anak ton mismo i inosal ton engipa‐amta son si‐katejo. Si‐katoy inpandaga nen Apo Shiyos ni dobong, jet si‐kato pay i shinotokan to ja makakokowa ni emin ingkatod ingka.