San Juan 8:7 - Dibshon Mengi-kan Ni Pansigshan

⁷ Jet nonta nanjemeg si Jesus shi bo‐day, ememasig ira sota Parisiyo ni salodsod son si‐kato. Jet si Jesus imekẃas jet kowan to son si‐kara ey, “No sipa son si‐kayo i polos sa eg nanbasbasol, si‐katoy mengirokin mengespig nita bii.”

San Juan 8:7 Iomraidhean Croise

San Juan 7:46

Sota ira kowadja, simongbat ira ja kowan sha ey, “Angken sipen too, enshiy mi inon‐an ja inges toy kepantosho niyay ya too.”

San Juan 8:10

Timangkak si Jesus jet kowan to so nonta bii ey, “Towa ira da sota kowan sha ey mengespig son si‐kam ni bato? Enshiy engitodoy?”

San Juan 8:8

Jet jimemeg mowan si Jesus shi bo‐day ja intoloy ton inpansolat i kalomot to.

I-Kolosas 4:6

No bilang ey ẃaray tabtabalen jo, singpet joy tabtabal son si‐kara, say mapteng i pengitneng sha, say no bilang ey ẃaray mansedodsod son si‐kayo, amtayoy isongbat jo.

Inpa-Amta Nen Jesucristo 1:16

Shi kanawan na takday to, ẃaray piton talaw wa inegshi‐an to. Jet shi bongot to, ẃaray singa kampilan ja nanbangi i tarem to. Emenenili pay i dopa to ja singa sota akew nem alasdosi ma.

Inpa-Amta Nen Jesucristo 19:15

Waray singa kampilan ja nanbangiy tarem to ja emanbo‐day ali nodta bongot to, jet si‐katoy osalen ton meneshal ni ka‐ili‐ili shi dobong. Si‐katoy mengitoshay ni ka‐ili‐ili et say itsora ni pantoshay to, olay toy piyan ton pengitoshay; enshiy onsopngil so. Si‐katoy mengipedaw nonta epaladon shosa nen Apo Shiyos so nonta ira nankekedsel.

Inpa-Amta Nen Jesucristo 2:16

Isonga mesepol la a‐kalen jo ira ja eg jo ma ibilang ira shi pamati. Ta no eg jo dag‐en iyay ma, ondawak den shagos et kobaten ko ira, ja osalen ko sota kampilan na ẃared bongot ko.