San Juan 8:59 - Dibshon Mengi-kan Ni Pansigshan

⁵⁹ Idi enaksheng nga inkowan nen Jesus iyay, sota ira Hodiyos, engala ira ni bato, jet kowan sha ey kespigan sha si Jesus. Nem en eki‐shom si Jesus nodta eshakel la totoo say eg maydesin jet indekjas to sota Timplo ja kawad‐an sha.

San Juan 8:59 Iomraidhean Croise

San Mateo 12:14

Nem sota ira Parisiyo, bimo‐day ira jet nantatabal ira no ngarantoy pesing shen memono son Jesus.

San Lucas 24:31

Jet idi pinet‐ing to sota tinapay, binigbig sha ma ey si‐kato gayam si Jesus! Nem nan‐omas shi sango‐an sha.

San Juan 11:54

Isonga nontan ngo ma, eg manpa‐sas si Jesus shi karakdan shi Jodia, no diket inpa‐agpos ton dimaw shima dogad ja kowan sha ey Ipraim ja nay‐esop shima shonshontog ja enshiy balbaley, jet eki‐iyan nin shiman so nonta ira too to.

San Juan 11:8

Jet kowan nonta ira too to ey, “Apo, ngantoy daẃan tayo mowan shi Jodia ey nonta pinsak ka dinaẃan tayod man ket piyan ira nonta pangolo ni Hodiyos shiman na kespigan shaka ni bato say mebono ka?”

San Juan 12:36

Isonga niman ta ẃara pay laeng son si‐kayo sota silew wa ondawag so ni nemnem jo, pamati kayo ma son si‐kato, say ẃaray kay‐ingesan jo son si‐kato.” Kowan nen Jesus. Idi naksheng nga inkowan nen Jesus iyay, indekjas to ira, jet dimaw nodta dogad ja eg onoran so ira niyay ya totoo.

San Juan 18:31

Jet si Pilato, kowan to son si‐kara ey, “No sajay ya too ket nanbasol, alejo et tongtong jo ngo shi dinteg jo.” Nem sota ira Hodiyos, simongbat ira ja kowan sha ey, “Eg met maypedobos shi dinteg jon i‐Roma ey onbono kami; isonga eg mebedin.”

San Juan 5:13

Nem sajay ya toon mimapteng, eg to amta sotan na toon inpamapteng son si‐kato, ta si Jesus, indekjas ton shagos, ta eshakel la pasiya sota too nodta kilig ni nabneng.

San Juan 9:1

Idi nonta eman‐ekad si Jesus, ẃaray inon‐an ton too ja sigod ja ekorab ni inkay‐anak to.

Inpaspasing 7:57

Nem sota ira toray ni Hodiyos, inopop sha et i tangidara, ja ireka mankeljaw, jet bintik shen shagos si Esteban.