San Juan 8:44 - Dibshon Mengi-kan Ni Pansigshan

⁴⁴ Inges jo eshan i ogadi nen Satanas ja amejo. Say pipiyan jon onoran na dag‐en, sota piyan nen Satanas. Nonta pilmiro, si‐katoy engipangdon bimono. Enshin polos son si‐katoy podno, no diket say pipiyan ton dag‐en, sota pan‐o‐owap. No ẃaray ikowan to, o‐owap pa emin, ta si‐katoy ogadi to. Jet si‐katoy amejo; isonga say joka pati‐a ket sota o‐owap.

San Juan 8:44 Iomraidhean Croise

San Mateo 12:34

“Si‐kayon singa oleg i ogadiyo, enshiy mapteng nga esel ja kaonbo‐day shi bongot jo ta ngaaw i ẃared nemnem jo. Ta sota ẃared nemnem ni too, si‐kato met laeng i kaonbo‐day shi bongot to no ẃaray ikowan to.

San Mateo 13:15

Ta say nemnem ira niyay ya too, timangken, nakol ni eg sha eẃatan. Angken matesha, singa ekimit, nakol ni eg sha idasin. Jet eg ira ma ontorong son si‐kak say pemapteng ko ira.’ Sajay i padto nen Isaias.

San Mateo 13:38

Sota oma, si‐katoy kay‐eshigan niya dobong. Sota ira botil ni pagey, si‐kara sota kay‐eshigan ira nonta mayda‐kam shi pantoshayan nen Apo Shiyos. Sota ira botil ni edet, si‐kara sota kay‐eshigan ira nonta toon ẃara son Satanas.

San Juan 6:70

Jet si Jesus, simongbat ja kowan to ey, “Say pinidik, sampolo tan showa, nem ẃaray sakey son si‐kayo ja dimonyo.”

San Juan 7:17

Jet sota toon piyan ton onoren i kowan nen Apo Shiyos, idasin to no sipay edapo‐an niyay ya naka pan‐ikowan — no nemnem ko, ono si Apo Shiyos i edapo‐an to.

San Juan 8:38

Say naka pan‐ikowan, sota inon‐an ko so nen Amak, jet angken si‐kayo, say joka dagdag‐a, sota inon‐an jo ngo so nen amejo.” Kowan nen Jesus.

San Juan 8:41

Si‐kayo, say joka dagdag‐a, inges to sota ngaaw wa aramid nen amejo.” Jet sota ira Hodiyos, bimonget ira ja kowan sha ey, “Singa moka pan‐ikowan ey aliẃen si Abraham i makapoli son si‐kami, ja inges mi sota totoon eshakel i shiyos sha. Nem ayshi! Say kina‐agpayso to, saksakey i Amemi, ja si Apo Shiyos bengat!”

San Juan 8:55

Nem si‐kayo, aliẃen agpayso ja amtayo si Amak. Nem si‐kak, amtak si Apo Shiyos; isonga eg mebedin na ikowan ko ey ekak amta, ta aliẃen inges takejon ma‐owap. Am‐amtak si Apo Shiyos et naka pati‐a i kowan to.

Inpaspasing 13:10

Jet kowan nen Pablo son si‐kato ey, “Si‐kam, anak toka nen Satanas! Si‐kam i makakontra ni emin na mapteng nga banag ja panmaptengan ni too! Wara son si‐kam ma emin i itsora ni pengi‐owap, tan ngaaw wa aramid. Isalsheng moy moka pemediktad ni podno ja maypangkep son Apo!

Inpaspasing 24:9

Jet sota eshom ma Hodiyos, nay‐eshom ira, jet inkowan sha ey agpayso noman sota kowan sha ey basol nen Pablo.

Inpaspasing 5:3

Nem si Pedro, kowan to son Ananias ey, “Ananias, apay nga intolok mo ja si Satanas i engitoshay son si‐kam? Nakol ni nan‐o‐owap ka so ni Ispirito Santo nen Apo Shiyos. Isonga intalom i eshom ma dako nonta bo‐day.

2 I-Korinto 11:3

Nem naka manshanag ta baka manbediw i nemnem jo, ja eg jo mala nemnemnemen sota koston joka pansilbi so nen Cristo. Baka may‐owapan kayo, ja inges to sota in‐olbod so ni oleg so nen Eva, nonta bayag da, jet nay‐owapan noman.

1 San Pedro 5:8

Pantanshaan kayo, bilin jon shorog i bakdang jo ni olay! Ta si Satanas ja makakontra son si‐kayo shi pamati, may‐eshig nodta kowan sha ey lion ja eman‐eka‐ekad ni toka pengenap ni sheshalen to, ono isekmol to.

2 San Pedro 2:4

Ta sinto pay sota ira anghil ja nanbasol nontan da, enshiy binaybay‐an nen Apo Shiyos son si‐kara, no diket inpalaw to iren emin shima impiyarno jet naybalod mala ired man ingkatod onsabi ali sota timpon shosa‐an so ira nen Apo Shiyos.

1 San Juan 1:8

No kowan tayo ey enshiy basol tayo, naytopo sotan na nemnem, jet enshi son si‐katejo i podno.

1 San Juan 2:21

Say kabol la insolatan ko so niyay son si‐kayo, aliẃen gapota eg jo eẃatan iya maypangkep ni podnon kowan nen Apo Shiyos, no diket amtayo. Amtayo met ey enshiy o‐owap pa mandepo nodta podnon kowan to.

1 San Juan 2:4

No kaspangarigan ey ẃaray toon mengikowan ey amta to si Apo Shiyos, nem eg to kari pati‐en sota bilin to, sotan na too, ma‐o‐owap; enshiy podno son si‐kato.

1 San Juan 3:12

Aliẃen tayo koma onoran sota inpasing nen Kain nonta bayag da ja ngaaw. Si‐kato, ẃara son Satanas; ngaaw ngoreshan i aramid to. Isonga binono tos agi ton si Abel, tep si Abel, mapteng i ogadi to.

1 San Juan 3:15

Sota enshiy semek to ni kait to, maybidang ey mabono. Jet amta tayo ey say toon mabono, enshi son si‐kato i biyag ga enshiy to engintegan ja edapo son Apo Shiyos.

San Judas 1:6

Tan nemnem jo pay kari ira sota anghil nen Apo Shiyos ja tinoy‐an sha sota saad sha ja in‐awat nen Apo Shiyos son si‐kara et indekjas shay dangit ja dogad ja in‐akan nen Apo Shiyos ja koston pan‐inan sha. Isonga si Apo Shiyos, inpalaw to ira shima dogad ja nayshalem, ja embolinget, jet naybalod mala ired man ingkatod onsabi ali sota timpon inkesheng nen Apo Shiyos ja shosa‐an to son si‐kara.

Inpa-Amta Nen Jesucristo 12:9

Jet sota ebadeg ga bowaja ja kowan sha ey oleg nonta bayag da, ja si Dimonyo kari, ono si Satanas, ja mengi‐o‐owap ni emin na tood ja dobong, idi na‐abak shi dangit, in‐ekas sha alid ja dobong, angken pay sota ira anghil to ngo.

Inpa-Amta Nen Jesucristo 13:14

Jet sota totood dobong, na‐adilaw ira nontan na milagron naypalobos ja dag‐en to para so nonta pilmiron Animal. Jet sotan na Animal, inkowan to so nodta ira totoo ey mengemag ira ni sinan bakdang nonta pilmiron Animal ja pinesjang ni kampilan i toktok to nem eg etey.

Inpa-Amta Nen Jesucristo 2:10

Eg kayo koma metekot nonta digat alin da‐kaman jo. Asas jo, ta si Satanas, kowan to ey peshasen to no kas‐anoy kedsang ni pamatiyo; isonga ibalod toy eshom son si‐kayo shi badoran et pandikat shakejo ni sampolon akew. Nem anosiyo ja angken na metey kayo, ta say sobadit ni ka‐anos jo, i‐aknan takejo ni biyag ja enshiy to engintegan.” ’

Inpa-Amta Nen Jesucristo 21:8

Nem no sota ira makedsel, say toshongen sha, shima singa baybay ja asoprin emanshedang. Jet sajay ira sota ontorong shiman: sota entapi shay bakdang shen metey maypangkep son Cristo, sota ira eg memati son si‐kato, sota ira edogit i shaka dagdag‐a, sota ira mabono, sota ira mabii ono maleki, sota ira manmantala, sota ira manshedjaw ni inemag met laeng ni too ja sinan shiyos, tan sota ira ma‐olbod. Sota kaykespig ira niyay shima apoy ya emanshedang ingkatod ingka, sotan i maykadẃen patey.”

Inpa-Amta Nen Jesucristo 22:15

Nem sota showal ni siyodad, say ẃara nodtan, sota ira eg memati so nen Apo Shiyos, sota ira emanmantala, sota maleki tan mabii, sota ira mabono, tan sota ira emanshedjaw so nonta ira inemag ni too ja sinan shiyos, tan sota ira emin na o‐owap i shaka ikokowan tan o‐owap i shaka dagdag‐a.

Inpa-Amta Nen Jesucristo 9:11

Waray ari sha jet si‐kato sota anghil ja emanbantay nonta naybaloshan ni dimonyo. Say ngaran to shi esel ni Hodiyos, kowan sha ey Abadon et shi esel ni Grigo ngo, kowan sha ey si Apolyon.