San Juan 8:39 - Dibshon Mengi-kan Ni Pansigshan

³⁹ Sota ira Hodiyos, simongbat ira ja kowan sha ey, “Si Abraham i amemi.” Nem si Jesus, kowan to ey, “No si Abraham i amejo, istay say dag‐en jo koma ket inges to sota dingka nen Abraham.

San Juan 8:39 Iomraidhean Croise

San Mateo 3:9

Karejo panshindan sota kowan jo ey si‐kayo ket poli shakejo nen Abraham. Enshi, eg on‐anay iyay! Tep si Apo Shiyos, mebedin ton osalen i bato ja palsowa‐en ni too jet ikowan to ey poli nen Abraham.

San Mateo 5:45

Ta no sajay i pesing jo, ingesen joy ogadi nen Apo Shiyos ja Amejo shi dangit. Ta si Apo Shiyos, nan‐i‐inges sa mapteng i toka pesing so ni angken sipen too, inges to no mapteng i aramid to ono ngaaw. Nan‐inges ja toka peskit i akew shi kad‐an sha, tan inges ton toka pa‐oshan.

San Juan 8:33

Idi enaksheng nga inkowan nen Jesus iyay, simongbat sota ira Hodiyos, ja kowan sha ey, “Si‐kami, poli shakami nen Abraham, jet angken nontan da, enshiy amta mi ja makabaga‐en son si‐kami; eg kami nanbalin na baga‐en, angken na pinsak bengat. Jet apay nga ikowan mo ey maybodos kami ja aliẃen baga‐en ma?”

San Juan 8:37

Amtak ey poli shakejo nen Abraham, nem ẃara ira met son si‐kayoy piyan shen onbono son si‐kak, ta eg jo pati‐en sota inkowan ko son si‐kayo.

San Juan 8:43

Si‐kayo, eg jo eẃatan, ta eg jo koston itenengan iya naka pan‐ikowan.

San Juan 8:56

Nontan da, si Abraham, ja amejo, eman‐imdeng ta namnama to ey asen toy akew wa ibetkagan towak so nen Apo Shiyos alid ja dobong, jet eman‐imdeng nga pasiya niman ta inon‐an to.”

I-Roma 4:12

Si Abraham met laeng i ama ira nonta Hodiyos ja imonod so ni ogadi ja kogit, nem aliẃen sota inkakogit sha i nayda‐kaman sha son Abraham, no diket mesepol la memati ngo ira ja onoran shes Abraham ja apo tayo da, ta emati ngo eshan si Abraham nonta aneng i i‐onod to so nonta ogadi ni Hodiyos ja kowan sha ey kogit.

I-Roma 4:16

Isonga sota kari nen Apo Shiyos, in‐awat to son Abraham tep emati son si‐kato. Sotan i inpasing nen Apo Shiyos ta piyan ton kaasi‐an si Abraham. Jet aliẃen sota emengonod ni bilin ja nay‐awat so ni Hodiyos bengat i maybidang ey poli to, no diket angken sota ira memati ja inges toy inpasing nen Abraham, mayda‐kam ira ngo. Ta si‐katoy ametayon emin shi pamati.

I-Roma 9:7

Aliẃa ngon emin na medepod poli nen Abraham ket maykeshi ey podnon poli to ja mekiteẃid nonta inkari nen Apo Shiyos son Abraham, tan si Isaac ja anak to. Enshi, ta say kowan nen Apo Shiyos son Abraham nontan da, kowan to ey, “Sota ipoli ali nen Isaac, si‐karay maykeshi ey koston polim, aliẃen sota ipoli ni eshom ma anak mo.” Kowan to,

I-Galasia 3:29

Niman na emati kayo son Cristo, si‐kayo i podno ja poli da nen Abraham, ta mayda‐kam kayon mengeẃat nonta inkari nen Apo Shiyos son si‐kato.

I-Galasia 3:7

Isonga iyay komay nemnemen jo. Sota ira toon ẃaray pamati to, si‐kara may maybidang ey poli nen Abraham ja ontawid nonta bindisiyon na inkari nen Apo Shiyos son si‐kato.