San Juan 8:29 - Dibshon Mengi-kan Ni Pansigshan

²⁹ Sota engibetkag son si‐kak, ẃara son si‐kak, jet eg towak baybay‐an ni abos ko, ta say piyan ton dag‐en ko, si‐kato iya naka dagdag‐a ni olay.” Kowan nen Jesus.

San Juan 8:29 Iomraidhean Croise

San Mateo 17:5

Jet nonta marama pay laeng ja eman‐a‐sel si Pedro, ebiglen ẃaray kolpot ta emenenili ja dimespag ali son si‐kara ja dinikopan to ira. Jet ẃaray esel ja edapo nodtan ja intenengan sha ja kowan to ey, “Sajay i Anak ko jet ensemek ko. Si‐katoy naka kosto‐i, isonga patiyon emin i ikowan to.” Kowan nonta esel alid kolpot.

San Mateo 3:15

Nem si Jesus, simongbat ja kowan to ey, “Eti, dagam et niman. Bonjagimak ma. Mapteng i itongpal ta so ni bilin nen Apo Shiyos maypangkep niyay.” Jet si Juan, timolok.

San Mateo 3:17

Jet nontan met laeng, ẃara aliy esel nen Apo Shiyos ja edapod dangit ja kowan to ey, “Si‐kam i Anak ko jet ensemek taka, tan si‐kam i naka pandadsaki.”

San Juan 14:31

Dag‐en ko ngo eshan sota inbilin nen Amak ja obda‐en ko, say amta‐en ni tood ja dobong ey ensemek ko si Amak.” Idi enaksheng nga inkowan nen Jesus iyay, kowan to son si‐kara ey, “Eti ondaw kito; idekjas tayo iyay ya dogad.”

San Juan 15:10

No say nemnemnemen jo ket sota inkowan ko la son si‐kayo ja bilin, ẃara ni olay son si‐kayo sota semek ko. Ta si‐kak ngo, naka pati‐a i bilin nen Amak, jet ẃara ni olay son si‐kak sota semek to.

San Juan 16:32

Nem simabi ma sota timpon kebodak jo, jet emin kayo, sakey ey on‐akad shi baley to. Si‐kayo, bay‐an jowak, nem aliẃen saksakey kon mebay‐an, ta si Amak, ẃara son si‐kak.

San Juan 17:4

Sota obda ja inkowan mo son si‐kak ey dag‐en ko shiya dobong, kinsheng ko jet si‐katoy nayshayawan mo.

San Juan 4:34

Si Jesus kowan to son si‐kara ey, “Say singa naka kena, ja emengi‐kan ni kedsang ko, sota pandekak ni piyan nen Apo Shiyos ja engibetkag son si‐kak; sota obden inpiyal to son si‐kak i dag‐en ko ingkatod meksheng.

San Juan 5:30

Jet si Jesus intoloy to sota kowan to ey, “Si‐kak, aliẃen nak iba‐ngat ja dag‐en i piyan ko, no diket sota ikowan nen Amak son si‐kak, si‐katoy dag‐en ko. Isonga say naka pengigsheng, aliẃen o‐owap, ta aliẃen sota piyan koy dag‐en ko, no diket sota piyan nen Amak ja engibetkag son si‐kak.

San Juan 6:38

Ta si‐kak, edapo‐ak alid dangit, jet say obda‐en ko bengat, sota piyan nonta engibetkag son si‐kak; aliẃen sota piyan ko.

San Juan 8:16

Nem angken bilang ey ẃaray ikowan ko ey mapteng ono ngaaw, aliẃen abos kon mengigsheng so, no diket ẃaray kadẃak; aliẃen nak iba‐ba‐ngat. Jet say kadẃak, si Amak ja engibetkag ali son si‐kak.

2 Timoteo 4:17

Nem eg towak met laeng binaybay‐an nen Apo Jesus nonta indekjas sha‐ak so nonta eshom, no diket tinodongan towak, jet in‐aknan towak pay ni kedsang ko ja mengipedawag ni maypangkep son si‐kato, say itenengan nonta ira totoo ja aliẃen Hodiyos. Sota ira makakontra son si‐kak ket istay piyan shen bono‐en sha‐ak, nem insalakan towak nen Apo Shiyos.

2 Timoteo 4:22

Say shawat ko son Apo Shiyos, sapay koma ta si‐katoy mengitoshong ni nemnem jo ni olay, tan sapay koma ta si‐katoy mengaasi son si‐kayon emin.

Hodiyos 4:15

Jet sotan na kangeto‐an na pari tayo, amta toy kasesaad tayo, ja ekapoy kito, ta angken si‐kato, ẃaray pinsak ja nanbalinan ton too. Amta ton mengisekit son si‐katejo, tep angken si‐kato, pinedpeshas nen Satanas ja panbesol ja inges toy kepespesing nen Satanas ja memeshas son si‐katejo niman.

Hodiyos 7:26

Anam ton si Jesus i kangeto‐an na pari ja mengita‐shel son si‐katejo, ta enshiy kolang to, tan enshin polos i basol to, tan say sakey pay, aliẃen inges toy si‐katejon toon ngaaw i aramid tayo, ta si‐kato, dimaw da shi dangit, ja nay‐apil ma shi totoon mabesol.

1 San Juan 2:1

Si‐kayon singa annak ko, sajay i isolat ko son si‐kayo, say eg kayo mandeka ni ngaaw wa aramid. Nem no bilang ey ẃaray manbesol ja kait jo, mebedin na may‐odi sota toka pekikadẃa mowan son Apo Shiyos, ta ẃaray mengitakshel son si‐katejo shi sango‐an nen Ametayo ja si Apo Shiyos, ja si Jesucristo. Kabaalan ton dag‐en iyay tep enshin polos son si‐kato i basol.

1 San Juan 3:22

Jet no mengshaw kito son si‐kato ni angken nganto, i‐akan toy kekshawen tayo, ta tayoka pati‐a i bilin to, tan tayoka dag‐a i piyan to.