San Juan 7:48 - Dibshon Mengi-kan Ni Pansigshan

⁴⁸ Emin na pangolo jo, tan angken si‐kamin Parisiyo, angken sakey son si‐kami, enshiy en imonod son si‐kato.

San Juan 7:48 Iomraidhean Croise

San Mateo 11:25

Nontan met laeng, si Jesus kowan to son Apo Shiyos ey, “Ama, apo ni dangit tan saja dobong, man‐iyamanak son si‐kam, tep say inpa‐amta‐an mo so maypangkep ni pantoshayan mo ket sota ira toon mapiyan na metod‐an. Nem sota ira toon kowan sha ey eshakel i amta to, eg mo ipalobos sa amta‐an shay maypangkep ni pantoshayan mo.

San Lucas 23:13

Idi mimotok ira shi kad‐an nen Pilato, sina‐nop to iray apo ni papashi, tan sota eshom iren toray ni ili, tan sota karakdan na totoo,

San Juan 12:42

Nem eshakel met laeng iray toray ja emati son Jesus, nem sajay iren emati, eg sha ipa‐sas ey emati ira, ta entakot sha iray Parisiyo ey a‐kalen sha ira shima sa‐nopan ni Hodiyos, ja eg ma ira mebedin na mekisa‐sa‐nop.

San Juan 3:1

Waray Parisiyo ja manngeshan ni Nikodimo, ja sakey ya pangolo ni Hodiyos.

San Juan 7:26

Iyay met gayam shiyay ya emantosho shi karakdan ni too, jet apay nga eg sha met a‐degken? Sigosho ireka emo memati ma ey si‐kato sota naypadton mengisedakan ali ja ibetkag nen Apo Shiyos.

San Juan 7:49

Sota ira toon imonod son si‐kato, eg sha amtay dinteg nen Moises, nem angkena, ta meshosa met laeng ira.”

San Juan 7:50

Jet si Nikodimo, sakey so ira nonta Parisiyo nodtan. Si‐kato sota dimaw son Jesus nontan da; isonga si‐katoy simongbat ja kowan to ey, “Say ẃared dinteg tayo, eg mebedin na mayba‐ngat i pengigsheng no nanbasol i sakey ya too ono enshi, no eg nin mebistigal no ngantoy basol to.”

Inpaspasing 6:7

Jet nontan ma, emankaiweshis sota esel nen Apo Shiyos maypangkep son Jesus shi eshom ngon dogad, jet angken shi Jerusalem met laeng, ẃara ni olay i emankai‐shom ja emati so nonta ira sigod ja emati. Tan ẃara pay i eshakel la papashi ni Hodiyos ja emati.

1 I-Korinto 1:20

Isonga enshi lay silbi nonta toro ni toon nankedaing, ono sota maistoro, ono sota toon matekal la man‐a‐sel, no sota biyag ja ẃara niman i shaka itoro, ta enshiy silbi to son Apo Shiyos; ta toro bengat ni tood ja dobong iyay.

1 I-Korinto 2:8

nem sajay, angken sakey so nonta ira toray shiya dobong, eg sha ineẃatan iyay. Ta no istay ineẃatan sha koma, eg sha indansa si Apo Jesucristo shi koros, tep si‐katoy Kangeto‐an.