San Juan 7:42 - Dibshon Mengi-kan Ni Pansigshan

⁴² ta say kowan ni para padto nonta bayag da, sota mengisedakan ja ibetkag ali nen Apo Shiyos ket mandepo kono shi poli nen Ari David, tan shi Bitlihim kono pay i kedepo‐an to, ta si‐katoy ili nen Ari David.” (Sajay i kowan sha ta say pangkep sha, nay‐anak si Jesus shi Galilia.)

San Juan 7:42 Iomraidhean Croise

San Mateo 1:1

Si Jesucristo, poli nen David tan si Abraham. Nem ẃara pay iray eshom, jet sajay iray ngarangaran sha:

San Mateo 2:5

Jet inkowan sha son si‐kato ey, “Shi Bitlihim ja sakop ni Jodia i koston kay‐enakan to, ta si‐kato met i naysolat ja kowan nonta para padto nonta bayag da, ja esel met laeng nen Apo Shiyos,

San Mateo 2:6

ja kowan to ey, ‘Say Bitlihim, shima dogad ja sinekopan ni poli nen Joda, ootik nga agpayson siyodad no may‐inges shima emin na kait ton siyodad nodtan met laeng nga dogad. Nem maybidang ey epateg ta si‐kato aliy kedepo‐an nonta mengitoshay ni took ja i‐Israel.’ ”

San Lucas 2:11

Niman na dabi, nay‐anak sota Apo tayon inkari nen Apo Shiyos nonta bayag da ja en ali mengisedakan son si‐kayo. Say nay‐anakan to, shi Bitlihim ja ili da nen Ari David.

San Lucas 2:4

Isonga si Jose, dima‐jat ngo shi baley tod Nasarit ja ilin Galilia et dimaw shi Bitlihim ma ilin Jodia, ja kawad‐an nen Ari David nonta bayag da. Shiman i dinaẃan nen Jose ja nanpalista‐an tep poli nen Ari David. Nan‐olop ira nen Maria, ja naykarin esaw‐en to et naytompong ngon malokon nontan si Maria.

San Juan 7:27

Nem say naypadto met ket sota toon ibetkag ali nen Apo Shiyos, angken sipa, enshiy maka‐amta ni kedepo‐an to. Nem sajay ya too, amta tayo met i edapo‐an to.”