San Juan 7:41 - Dibshon Mengi-kan Ni Pansigshan

⁴¹ Jet angken sota ira eshom, kowan sha ey, “Sajay nga agpayso sota naypadton mengisedakan ja ibetkag ali nen Apo Shiyos.” Nem sota ira eshom, kowan sha ey, “No si‐kato sota naypadton mengisedakan ja ibetkag ali nen Apo Shiyos ket aliẃen shi Galilia komay edapo‐an to,

San Juan 7:41 Iomraidhean Croise

San Juan 1:41

Si Andres, dimaw wa shagos, ja to simbi si Simon ja agi to, jet kowan to son si‐kato ey, “Simbi mi sota tayoka sesseskeshen ibetkag ali nen Apo Shiyos!” (Say piyan ton a‐seden, simbira sota naypadton ibetkag nen Apo Shiyos ja mengisedakan.)

San Juan 1:46

Jet si Natanael, simongbat ja kowan to ey, “Apay ẃara ayay mapteng nga mandepod Nasarit?” Jet kowan ngo nen Felipe ey, “Eti, mo asas.”

San Juan 1:49

Jet si Natanael, simongbat ja kowan to ey, “Maistoro, amtak ma ey si‐kam sota Anak nen Apo Shiyos! Si‐kam i Ari ni tood Israel!”

San Juan 4:25

Jet sota bii, kowan to son Jesus ey, “Wara konoy ibetkag ali nen Apo Shiyos ja mengisedakan jet ma‐eẃagan kono alin Cristo, jet no ondaw ali, idawag to konon emin i angken nganto.”

San Juan 4:29

ja kowan to ey, “Kalejo, jo asas kari sota tood man. Sajay ya too, amta ton emin sota dingdingkak nontan da, jet inkowan to son si‐kak. Sigosho, sajay sota kowan sha ey ibetkag ali nen Apo Shiyos ja mengisedakan.”

San Juan 4:42

Sota ira totoo, kowan sha so nonta bii ey, “Nonta pilmiro, emati kami son Jesus kabol nonta inkowan mo, nem niman, mas pay ya emati kami ma son si‐kato, ta mismon intenengan miy inkowan to, jet amta mi ma i maypangkep son si‐kato, ey si‐kato sota mengisedakan ni tood ja dobong.”

San Juan 6:69

jet kamika memati son si‐kam, ta amta mi ey si‐kam sota shinotokan nen Apo Shiyos ja inbetkag to did ja dobong.”

San Juan 7:27

Nem say naypadto met ket sota toon ibetkag ali nen Apo Shiyos, angken sipa, enshiy maka‐amta ni kedepo‐an to. Nem sajay ya too, amta tayo met i edapo‐an to.”

San Juan 7:31

Nem sota eshakel la too, ẃara ngoy eshakel la emati so nen Jesus, jet say kowan sha, “Enshiy eshom ma toon tayoka sesseskesha ja ibetkag ali nen Apo Shiyos. Si‐kato iyay ya too, ta no bilang ey ẃaray ondaw ali ja eshom, eg to ingesen i dingdingka niyay ya too.”

San Juan 7:52

Nem sinongbatan sha et si Nikodimo ja kowan sha ey, “Apay nga moka pan‐ibaliẃi? Sakey ka gayam ma kaidiyan ton i‐Galilia? Basam kari sota inpaisolat nen Apo Shiyos nonta bayag da: amta‐en mo ey enshiy para padton mandepod Galilia.” Sajay i inkowan sha son Nikodimo.