San Juan 7:31 - Dibshon Mengi-kan Ni Pansigshan

³¹ Nem sota eshakel la too, ẃara ngoy eshakel la emati so nen Jesus, jet say kowan sha, “Enshiy eshom ma toon tayoka sesseskesha ja ibetkag ali nen Apo Shiyos. Si‐kato iyay ya too, ta no bilang ey ẃaray ondaw ali ja eshom, eg to ingesen i dingdingka niyay ya too.”

San Juan 7:31 Iomraidhean Croise

San Mateo 12:23

Jet sota ira eshakel la totoo, nasshaaw iren pasiya, jet kowan sha ey, “Sajay emo sota inpadtoren Anak nen Ari David, ja ibetkag kono di nen Apo Shiyos son si‐katejo? Si‐kato emo, ono apil?”

San Lucas 8:13

Jet sota nayponta‐an ni botil la kabato‐an, si‐katoy kay‐eshigan nonta ira toon mengitneng ni esel nen Apo Shiyos. No itenengan sha, ẃara shagos i imdeng shen mengeẃat, nem eg may‐a‐det shi nemnem sha. Memati ni sanka‐atikan, nem ibi‐jag shen shagos no onmotok i shaka kedigdikati.

San Juan 11:45

Sota ira Hodiyos ja bisita nen Marta nen Maria, inon‐an sha sota inpasing nen Jesus ja emiyag son Lazaro, isonga eshakel son si‐karay emati son Jesus.

San Juan 12:11

ta eshakel iray Hodiyos ja emati son Jesus nonta inon‐an sha ja inpanbiyag to si Lazaro, jet eshakel malay eg memati so nonta ira papashi.

San Juan 12:42

Nem eshakel met laeng iray toray ja emati son Jesus, nem sajay iren emati, eg sha ipa‐sas ey emati ira, ta entakot sha iray Parisiyo ey a‐kalen sha ira shima sa‐nopan ni Hodiyos, ja eg ma ira mebedin na mekisa‐sa‐nop.

San Juan 2:11

Sajay ya dingka nen Jesus shi Kana, si‐katoy pilmiron dingka ton milagro. Inpa‐sas toy kina‐Shiyos to et sota ira too to, emati ma iren koskosto son si‐kato.

San Juan 3:2

Sajay ya too, dimaw son Jesus ni edabi, jet kowan to ey, “Maistoro, si‐kam, amta mi ey inbetkag token Apo Shiyos ja menosho son si‐kami, ta angken sipa, enshiy ondaga so nonta dingkam ma kaskasshaaw, no enshis Apo Shiyos son si‐kato.”

San Juan 4:29

ja kowan to ey, “Kalejo, jo asas kari sota tood man. Sajay ya too, amta ton emin sota dingdingkak nontan da, jet inkowan to son si‐kak. Sigosho, sajay sota kowan sha ey ibetkag ali nen Apo Shiyos ja mengisedakan.”

San Juan 4:39

Jet sota ira tood Samaria, ja i‐Sikar, eshakel iray emati son Jesus, pangkep nonta inkowan nonta bii ey, “Emin sota dingdingkak nontan da, amta nontan na too, jet inkowan to son si‐kak.”

San Juan 6:2

Jet eshakel la pasiyay toon imonod son si‐kato, ta inon‐an sha sota kaskasshaaw wa dingka to, ni inmapteng ira nonta emanpansekit.

San Juan 7:26

Iyay met gayam shiyay ya emantosho shi karakdan ni too, jet apay nga eg sha met a‐degken? Sigosho ireka emo memati ma ey si‐kato sota naypadton mengisedakan ali ja ibetkag nen Apo Shiyos.

San Juan 9:16

Jet sota ira eshom ma Parisiyo, kowan sha ey, “Sotan na too, aliẃen si Apo Shiyos i edapo‐an to, ta no si Apo Shiyos komay edapo‐an to, apay nga eg to met onoren sota kowan ni dinteg tayo, pangkep ni akew ni ngilin?” Nem sota ira eshom ma Parisiyo, kowan sha ey, “Enshi. Sota ngaaw wa too, eg mebedin na todongan nen Apo Shiyos sa dag‐en toy kaskasshaaw, ja inges niya dingka niyay ya too.” Nontan ma, sajay iren too, nanshowa ira ja eg man‐inawatan.

Inpaspasing 8:13

Jet angken si Simon ja emanmantala, emati ngo nonta toro nen Felipe, jet nanpabonjag ngo. Jet eki‐od‐odop ni olay so nen Felipe. Jet idi inon‐an toy kaskasshaaw wa kedagdag‐a nen Felipe, nasshaaw et ngo mowan na pasiya.

Santiago 2:26

Sota bakdang nga enshiy jasjas to, etey, ja enshiy silbi to. Kasta met i pamatin enshiy takshol ton mapteng nga aramid, enshi ngoy silbi to.