San Juan 7:3 - Dibshon Mengi-kan Ni Pansigshan

³ Jet sota a‐aki nen Jesus, kowan sha son si‐kato ey, “Ilekjas mo iyay ya dogad, jet daw ka shi Jodia, say asen ira nonta emati son si‐kam shiman sota ira moka dagdag‐a ja kaskasshaaw.

San Juan 7:3 Iomraidhean Croise

San Mateo 12:46

Nonta marama ja eman‐a‐sel si Jesus so nonta ira totoo, sota ineto tan sota ira a‐aki to, dimaw ira di jet ẃara ira nodta bo‐dayan, ja kowan sha ey mekitbal ira kono son si‐kato.

San Marcos 3:21

Idi amta‐an nonta a‐aki nen Jesus, dimaw iren kowan sha ey i‐akad sha tep kowan sha ey na‐kal i nemnem to.

San Marcos 3:31

Mimotok nontan si ina nen Jesus tan sota ira a‐aki ton daleki. Nanseked ired bo‐dayan et inpata‐ẃal sha di si Jesus say ondaw ali ja to di ira on‐an.

San Lucas 8:19

Sota ina nen Jesus tan sota ira a‐aki to, dimaw ira son si‐kato, nem eg mebedin na a‐sopan sha ta eshakel iray totoo.

San Lucas 8:20

Isonga ẃaray engikowan son Jesus ey, “Si inam tan sota ira a‐akim, iman ired bo‐dayan ja emansessesked son si‐kam.”

San Juan 2:2

Jet si Jesus tan sota ira too to, ineẃis sha ira nodtan na kasal.

San Juan 6:60

Jet eshakel so nonta ira too nen Jesus i eg makakosto niyay. Idi itenengan sha iyay ya toro to, kowan sha ey, “Polibas ira jay ya toro to. Enshi emoy makabaal la on‐awat so!”

San Juan 6:66

Idi naksheng ma ja inkowan nen Jesus iyay, eshakel nodta ira istay too to i eg timoloy ja meki‐odo‐odop son si‐kato.

San Juan 7:10

Idi enaksheng den dimaw ira sota a‐aki to nodta piyasta, timened si Jesus son si‐kara ni abos to, ja enshiy maka‐amta.

San Juan 7:4

Say too, ja piyan ton amta‐en ni karakdan, aliẃen to en i‐emot i dag‐en to, no diket dag‐en tod karakdan ni too, say asen ni emin na tood ja dobong.”

San Juan 7:5

(Sajay i inkowan ira nonta a‐aki to, tep nontan, angken si‐kara, eg sha nin pinati si Jesus.)

Inpaspasing 2:14

Sota sampolo tan showa ja apostol, si Pedro i tima‐shel son si‐kara ja nan‐esel, jet inkedsang toy esel to ja kowan to ey, “Si‐kayon totoo ja i‐Jodia, tan si‐kayon emin na eman‐iyan shiya Jerusalem, mesepol la amta‐an jo iyay! Itnengi jon pasiya iya ikowan ko son si‐kayo!