San Juan 7:20 - Dibshon Mengi-kan Ni Pansigshan

²⁰ Jet sota ira totoo, simongbat ira ja kowan sha ey, “Kaka man‐engaw! Sipay engikowan ey bono‐en shaka?”

San Juan 7:20 Iomraidhean Croise

San Mateo 10:25

Sota man‐ashal, mepnek koma no ingesen to sota emengitosho son si‐kato; jet angken ngo sota baga‐en, mepnek ngo koma no ingesen to sota apo to. Say olog niyay, no si‐kak ka apo jo ket eg sha ibaingan, ja kowan sha ey apo sha‐ak ni dimonyo, mas pay ya ngaaw i ikokowan sha maypangkep son si‐kayon took.

San Mateo 12:24

Nem idi intenengan ira nonta Parisiyo sota kowan ira nonta totoo, dinamsis sha, ja kowan sha ey, “Say pan‐osala niyay ya too ja mengipebtik ni dimonyon pimeket shi totoo, sota apo met laeng ni dimonyo ja si Bilsibol.”

San Mateo 9:34

Nem sota ira Parisiyo, kowan sha ey, “Enshi kari! Sota apo ni dimonyo i toka osala ja mengipebtik so nonta ira dimonyo met laeng nga ẃared too.”

San Marcos 3:30

(Inkowan nen Jesus iyay tep endedamsis ira nonta mamaistoro ni dinteg i Ispirito Santo nen Apo Shiyos, ja kowan sha ey, “Si‐kato, ẃaray dimonyon kaontolong son si‐kato.”)

San Juan 10:20

Sota ira karakdan na Hodiyos, kowan sha ey, “Inpan‐angaw ni dimonyo itan na too. Ngantoy itenenganan jo so nita toka pan‐ikowan?”

San Juan 8:48

Jet idi intenengan nonta ira Hodiyos iyay ya inkowan nen Jesus, kowan sha ey, “Agpayso gayam sota kowan mi ey i‐Samaria ka ja makakontra son si‐kamin Hodiyos. Tan agpayso gayam sota kowan mi ey ẃara son si‐kam i dimonyo.”

San Juan 8:49

Jet si Jesus, simongbat ja kowan to ey, “Araẃi ita kowan jo. Enshi son si‐kak i dimonyo. Say naka panshedjawi, si Apo Shiyos ja Amak. Nem si‐kayo, ngaaw i joka ikokowan pangkep son si‐kak.

San Juan 8:52

Jet sota ira Hodiyos, kowan sha son Jesus ey, “Niman amta mi ma ey agpayson ẃaray dimonyo son si‐kam. Toway inpasing nitan? Si Abraham ket etey met da; angken pay sota ira para padto, etey da ngo ira. Nem si‐kam, say kowan mo, sota memati ni esel mo, eg metey?

Inpaspasing 26:24

Jet nonta marama pay laeng ja eman‐a‐sel si Pablo, biglen kimeljaw si Pisto ja kowan to ey, “Nayda‐kad i ashal mo, isonga inpan‐angaw toka!”