San Juan 6:9 - Dibshon Mengi-kan Ni Pansigshan

⁹ “Waray sakey shiyay ya balodaki so nonta ira totoo, ja nanbalon ni dimen boknol la tinapay, tan showen piskaw. Nem enshi met i silbi to, ta eg met laeng on‐anay so ira niya eshakel la totoo.”

San Juan 6:9 Iomraidhean Croise

San Mateo 14:17

Nem kowan ira nonta too to ey, “Dimen boknol la tinapay met bengat iya ẃara, tan showen piskaw.”

San Mateo 16:9

Apay eg jo aya eẃatan? Dinibkan jo aya ey sota dimen boknol la tinapay i edapo‐an nonta kinan ni toon dimen dibo? Istay nemnemen jo koma ey eshakel la baskit i sina‐nop jon eg kinan ira nonta totoo.

San Marcos 6:38

Kowan nen Jesus ey, “Pigen boknol la tinapay i ẃara son si‐kayo? Jo on‐i.” Sha binidang et inkowan sha son Jesus ey, “Dima, tan ima pay i showen piskaw.”

San Marcos 8:19

Nonta inosal ko sota dimen boknol la tinapay ni inpamakan ko nonta ira dimen dibon too, pigen baskit ja nankepno i sina‐nop jo ja binay‐an sha?” Kowan sha ey, “Sawal ni showa.”

San Lucas 9:13

Nem kowan nen Jesus son si‐kara ey, “I‐akniyo et ira ni kenen sha.” Jet kowan sha ey, “Eshakel met ira. Piyan mon kami menongkal ni kenen sha? Saja ẃara bengat shiyay, dimen boknol la tinapay tan showen piskaw.”

San Juan 11:21

Jet kowan nen Marta so nen Jesus ey, “Apo, no ẃara ka komed jay nonta kepansekit nen agik, istay eg etey koma.

San Juan 11:32

Si Maria, idi mimotok shima kad‐an nen Jesus, nanshomog nodta sango‐an nen Jesus jet kowan to ey, “Apo, no ẃara ka komed jay nonta kepansekit nen agik, istay eg etey koma.”

San Juan 21:10

Jet si Jesus, kowan to son si‐kara ey, “Alekayo di nita nigay ya kinnayo.”

San Juan 21:13

Jet si Jesus, inda to sota tinapay, jet shinowashowa to asan toka i‐ekan son si‐kara, asan ma sota naykedot ta nigay.

San Juan 21:9

Idi simabi ira ma nodta kilig ni baybay, ẃaray inon‐an shen emankedoton nigay ya naykedot nodta ngalab, jet ẃara pay i tinapay ja naysaganen kaytaksholan to.

San Juan 6:11

Jet nontan ma, si Jesus inda to sota tinapay tan sota piskaw wa balon nonta balodaki jet nan‐iyaman son Apo Shiyos, asan toka paiweshis sota mekan na shimakel so nonta ira totoo ja timanongaw. Jet sota ira totoo, engan ira ingkatod enapsel iren kosto.

San Juan 6:7

Jet si Felipe, simongbat ja kowan to ey, “Sajay ya karakel sha, angken pigen dasos i itongkal tayo ni tinapay, eg pay on‐anay son si‐kara, angken ko‐ko‐tiken tayo.”

2 I-Korinto 8:9

Eg mesepol la piditen takejo ta amtayo met sota maypangkep ni kaasi nen Jesucristo ja Apo tayo. Si‐kato, baknang nontan da shi dangit, nem inbaba toy bakdang to ja nanbalin ni ebiteg kabol ni pansigshan jo. Jet niman ma, si‐kayoy may‐eshig ey baknang.

Inpa-Amta Nen Jesucristo 6:6

Jet ẃaray intenengan kon esel ja singa edapo nodta epat ta palsowa, ja kowan to ey, “Edigat niman i mekan; isonga say dagbon san‐akew, eg to posi‐en i angken sansalop pa trigo, ono showen salop pa barley! Nem bay‐im sota naymola‐an ni obas tan olibas, say eshakel i daneb tan adak!”