San Juan 6:71 - Dibshon Mengi-kan Ni Pansigshan

⁷¹ (Sajay i inkowan nen Jesus, ta si Judas ja anak nen Simon Iskariote ja sakey nodta sampolo tan showen apostol to, si‐kato aliy mengibaag son Jesus so nonta ira toon makakontra son Jesus.)

San Juan 6:71 Iomraidhean Croise

San Mateo 10:2

Say ngaran ira nonta apostol ton sampolo tan showa, sajay. Say epateg son si‐karen emin, si Simon ja say sakey ya ngaran to, si Pedro. Say eshom, si Andres ja agi nen Pedro, tan si Santiago nen Juan ja san‐agin anak nen Sibidi,

San Mateo 10:4

sota si Simon ja bitarano, tan si Judas Iskariote ja mengileko ali so nen Jesus shi anongosto.

San Marcos 14:10

Si Judas Iskariote, ja sakey so nonta ira sampolo tan showen apostol nen Jesus, dimaw ja en ekitbal so nonta ira apo ni papashi no ngantoy pesing ton mengitosho ni kawad‐an nen Jesus say seskelen sha.

San Juan 12:4

Jet si Judas Iskariote ja sakey so nonta ira too nen Jesus, ja mengibaag ali so nen Jesus so nonta ira makakontra son si‐kato, kowan to ey,

San Juan 13:2

Jet si Satanas, inpannemnem tos Judas Iskariote ja anak nen Simon, ey to ibaag si Jesus so nonta makakontra son si‐kato. Nem si Jesus, amta to ey in‐akan nen Ameton emin i panakabalin son si‐kato. Tan amta to ey say edapo‐an to shorog ket si Apo Shiyos, jet si Apo Shiyos met laeng i odi‐an to. Isonga nonta mama‐shem ja nandilikob ira sota apostol ton emengan, pati si‐kato,

San Juan 13:26

Jet si Jesus, simongbat ja kowan to ey, “Sota pengi‐kanan ko nonta tinapay ya i‐eneng ko, si‐kato sotan na too.” Jet si Jesus, engala ni tinapay jet in‐eneng to, asan toka i‐kan so nen Judas Iskariote.

San Juan 2:2

Jet si Jesus tan sota ira too to, ineẃis sha ira nodtan na kasal.

San Juan 20:24

Sota sakey so nonta ira apostol nen Jesus, ja si Tomas i ngaran to, naytompong nga enshi nonta indaw nen Jesus nodta na‐olnongan shen too to ni mama‐shem ni Domingko. (Si Tomas, ẃaray ngaran ton sakey, ja kowan sha ey Epin.)

San Juan 6:64

Nem amtak ey ẃara son si‐kayoy eg memati son si‐kak.” Kowan nen Jesus. (Sajay i inkowan nen Jesus, ta sigod ja amta to sota ira totoon eg memati, tan amta to sota toon mengibaag son si‐kato ali so nonta toon makakontra son si‐kato.)

San Juan 6:70

Jet si Jesus, simongbat ja kowan to ey, “Say pinidik, sampolo tan showa, nem ẃaray sakey son si‐kayo ja dimonyo.”

Inpaspasing 2:23

Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

San Judas 1:4

Sajay i naka pan‐i‐adok ta ẃara iray toon nandibas ja nay‐eshom son si‐katejon emati, jet apil i toro sha maypangkep nonta kaasi nen Apo Shiyos. Say kowan sha, si Apo Shiyos, manangaasi, isonga angken memii kito kono ono mekileki, eg shakito shosa‐en nen Apo Shiyos. Eg sha pay pati‐en ey si Jesucristo, si‐kato bengat i Apo tayo. Sajay iren itsora ni totoo, si‐katoy kaytoshongan nonta naypadto nonta bayag da ja kowan to ey say toshongen sha, shima dogad ja insagana nen Apo Shiyos ja shosa‐an.