San Juan 6:7 - Dibshon Mengi-kan Ni Pansigshan

⁷ Jet si Felipe, simongbat ja kowan to ey, “Sajay ya karakel sha, angken pigen dasos i itongkal tayo ni tinapay, eg pay on‐anay son si‐kara, angken ko‐ko‐tiken tayo.”

San Juan 6:7 Iomraidhean Croise

San Mateo 18:28

Nem sotan na baga‐en, idi bimo‐day, inaspol to sota kait ton baga‐en ja engotang ngo son si‐kato ni otik ka pilak. Jet to inshel et sin‐el to, ja kowan to ey, ‘Bayshim niman sota inotang mo son si‐kak!’

San Marcos 6:37

Nem simongbat si Jesus ja kowan to ey, “I‐akniyo et ira ni kenen sha.” Kowan ma nonta too to ey, “Apay si‐kami aya i en menongkal ni kenen sha? Adipay banol ni showen dasos emoy kasto‐en mi!”

San Juan 1:43

Idi eẃa‐ẃa mowan, si Jesus, ninemnem ton ondaw shi Galilia, jet simbi to si Felipe shiman ja kaidiyan nen Andres nen Pedro ja i‐Bitsaida. Kowan nen Jesus son Felipe ey, “Kala, kay‐olop ka son si‐kak say manbedin ka men took.”

San Juan 1:45

Jet si Felipe, simbi tos Natanael, jet inkowan nen Felipe son si‐kato ey, “Wara ma niman sota inpadto nen Moises ja insolat tod dinteg tan insolat nonta ira para padto. Jet inaspol mi! Say ngaran to, Jesus. Si‐kato ket i‐Nasarit ja potot nen Jose.”

San Juan 1:46

Jet si Natanael, simongbat ja kowan to ey, “Apay ẃara ayay mapteng nga mandepod Nasarit?” Jet kowan ngo nen Felipe ey, “Eti, mo asas.”

San Juan 1:48

Jet si Natanael, inbag‐an tos Jesus ja kowan to ey, “Ita et mangon amtamak?” Si Jesus, simongbat ja kowan to ey, “Nonta ẃara ka pay laeng ja nansirom shi kadasan, ja eg toka pay laeng inodop nen Felipe, inon‐an taka.”

San Juan 12:5

“Kimawas iman na dana! Apay nga eg to et indako, say sota dako to, may‐ekan na tolong so nonta ira nankebiteg? Say banol nontan na kalasin dana, no maydeko, tedon dasos.” Kowan nen Judas Iskariote.